1Saŋ 4:2 - NQAARIIT NE ROOG

² Mene i anditkaa Yiif le Roog: Yiif luu jaɓna o weejil a Yeesu Kiristaa fee ceroox’ina, na Roog a inooru.

1Saŋ 4:2 Referans Kwoze

1 Korint 12:3

Ten taxu, um bug o lay ee: Oxuu na laytaa Yiif le Roog, waagee o lay ee: «Yeesu a salooxe!» Neene itam, o leng waagee o lay ee: «Yeesu refu o Yaal oxe!», yaa Yiif le Roog a riñeeruuna teen.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

1Saŋ 4:3

Kaa koy, yiif luu jaɓeerna o weejlit a Yeesu neene, inooree na Roog, too o Mbodandoor-Kiristaa yoo. Nu nan’a yee xan o podandoor oxeene a gar, too oxey kam adna fee ndiiki sax.

1Saŋ 2:23

Oxuu xañna o Ƥeenqe, jaɓee a Roog Faap fee itam. Oxuu na weejlaa yee a gima no Ƥeenqe, a jega a Faap fee itam.

1Saŋ 1:2

Kaa i mbeeñlel o ñoow oleene, nga’anin a qoox in, too seede’in. O ñoow o fagkeer ole reeƭna paam Faap faa koy, too i mbeeñlel o ten, ten i yegnaa a nuun.

1Saŋ 4:15

Oxe jaɓna o weejil ee Yeesu o Ƥeenqe Roog oo, Roog a gena no xeene kiin, too ten itam, oxe na Roog.

2Saŋ 1:7

Nu mbootoox koy, yaam kaa jeg mayu waa ndefatna na adna fee, a naxaa wiin we. Weene mbeejlee yee Yeesu Kiristaa a cerooxa, ye ta garna na adna fee, a ñoowaa nen o kiin. Oxuu na fi’aa keene, kaa naxiid wiin we, too o Mbodandoor-Kiristaa yoo.