1Saŋ 4:17 - NQAARIIT NE ROOG

¹⁷ A soƥangaa yee o mbeq onqe a fadnooxa na in, xan i njeg njambaar na bes fee na hate fee na garaa, yaam o ñoow in na adna feeke kaa nand fo ole Yeesu Kiristaa.

1Saŋ 4:17 Referans Kwoze

1Saŋ 4:12

O leng mosee o ga a Roog. Boo i mbexirna a ndeer in, Roog kaa genaa na in, soo o mbeq um a fadnoor na in.

1Saŋ 2:28

Ndiiki koy, xa teɓandoong es, ngenyo no ten, ndax nu njeg njambaar, yaa ta feeñkaa, soo ñak o sed, yaa ta garkaa.

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

1Saŋ 2:5

Kaa koy, oxuu na gayaa fa lay um, o mbeq onqe Roog a fadnooxa no ten. I ngayangaan, maaga i anditkaa yee in wey no ten.

O leetar ole Pool a bindna GIMU WE NGENNA ROM 8:29

Roog kaa heboox’u o nandand we ta jilna yaaga fo o Ƥeem, ndax o Ƥeem onqeene a ref taaw kam ƥasil maak.

YEGIL MBAAX NE YEESU ne Saŋ a bindtuuna 15:20

Mbetandooxyo ke layuuma a nuun ee: O tag hupkee o yaal mbind um. A ñagadilangaam, xan a ñagadil a nuun itam. Boo da ngayna a ƭelem es, xan a ngay ake nuun.

1Saŋ 3:1

Ƭeetyo o mbeq o mbodu nqe Faap fee a lalna a in, boo i nqoyeel xa ƥiy Roog. No ndigil, i ndefaan itam. Adna fee andee a in, yaam ne ta andeerna a Roog.

2 Piyeer 3:7

Neene itam, fa lay fa leng kut fee a geektaa asamaan fee fo lanq ke ndiiki, boo na bes faa na hate faa. Maaga, a saŋkitkeel kam fiɗel le, den fo we mbañna a Roog fop.

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

Saak 2:22

Ga’aano: O ngim onqe Abraham fo a pi um kaa yoon, too o ngim um onqeene a fadnooxa yaam a pi ake yoonna fo ten.

Mace 12:36

Mexe layaa a nuun ee: Na bes faa no nqel maak naa, xan wiin we a njangtoox a Roog fa lay fa njegee xoox fuu da mosna o lay.

Mace 11:24

Ten taxu mexe layaa a nuun ee na bes faa no nqel naa Roog, Sodoom na moƴkang o yooɓiɗ hate, wo Kapernawum.»

Mace 11:22

Ten taxu mexe layaa a nuun ee na bes faa no nqel naa Roog, Tiir fa Sidoŋ na moƴkaa o yooɓiɗ a nuun hate.

Mace 10:25

Yaaga koy, o taalbe xe a nandangaa fo o caajangin um, soo o paɗ oxe a nand fo o yaal um rek a deya. O yaal mbind oxe a xoyange Belsebul, nam ƥasil um a nqoykeel?»

Mace 10:15

No ndigil, mexe layaa a nuun ee: Na bes faa no nqel naa Roog, saax laa Sodoom fa Gomoor na moƴkaa o yooɓiɗ hate saax laaga.»

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

YEGIL MBAAX NE YEESU ne Saŋ a bindtuuna 17:22

Ci’aam a den o ndam onqe ci’axamoona, ndax da ndef o leng ne i ndefitna o leng,

Hebre 9:27

O kiin, jaf leng kut a geekane ndax ta xon. Cinj kaaga, xan hate fee Roog a gar.

1Saŋ 2:6

Oxe na layaa yee a foga fa Yeesu, a wara o ñaaƴtaa ne ta ñaaƴitna, ten fa xoox um.

1Saŋ 3:7

Xa teɓandoong es, ba o leng a nax a nuun. Oxuu genna no fi’aa cofu, a jofa ne ta jofitna, ten fa xoox um.