1Saŋ 4:14 - NQAARIIT NE ROOG

¹⁴ In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

1Saŋ 4:14 Referans Kwoze

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

YEGIL MBAAX NE YEESU ne Saŋ a bindtuuna 4:42

boo a layataa o tew oxe yee: «Refatee yee ke layoona taxu i ngim no ten, yaam i nanana a qoox in, too i anda xil ee ten refu o Muumucil adna.»

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

1Saŋ 5:9

Boo i njaɓna seede fee no wiin we, fat i and ee seede fee Roog hupun. Seede fee Roog koy refu ke ta seede’anna o Ƥeem.

1 Piyeer 5:12

Mexe bindaa a nuun a ƭelem a leng-leng akeene no ndimle Silwe fee fi’uuma nen o pog o kore’u, ndax um saƭakin a nuun, soo seede yee keene refu yirmande fa ndigil fee Roog. Saƭikyo a paax no ten!

YEGIL MBAAX NE YEESU ne Saŋ a bindtuuna 12:47

Oxuu nanna a ƭelem es, too gayee a den, refee yee mi hate’un. Hate ɓisiidiraam na adna fee. Kaam gar kañ, ndax adna fee a muc.

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

YEGIL MBAAX NE YEESU ne Saŋ a bindtuuna 3:34

Oxe Roog a lulna, a ƭelem Roog a layaa, yaam Roog naagee o hendaƭooxaa yaa ta ci’taa Yiif le ten.

A pi ake 18:5

Kaa koy, ye Silaas fa Timote a inooriidna Makedoni, Pool a pay’ata no waare’aa fa lay fee Roog, a feednaa Yaawuur we yee Yeesu refu Kiristaa fee, refna o Muumucil oxe regteena.

YEGIL MBAAX NE YEESU ne Saŋ a bindtuuna 10:36

yaaga oxe Roog a kesna, a luliidin na adna fee a layangaa yee: O Ƥiy Roog refum, nu mbariran o lay ee: Wenaa a Roog.

YEGIL MBAAX NE YEESU ne Saŋ a bindtuuna 3:32

Kaa layaa ke ta ga’na, a nanin, ndaa koy o leng jaɓee seede um.

YEGIL MBAAX NE YEESU ne Saŋ a bindtuuna 3:11

No ndigil, no ndigil, mexe layang ee: Ke i andna i laytaa, too a refangee kaa i ndoonna a ngid, i naangee o seede’aa lakas, ndaa koy nu njaɓee ke i seede’aa.