1Saŋ 4:11 - NQAARIIT NE ROOG

¹¹ Fog es we fexuuma, Roog a fextangaa a in neene, i mbara o mbexir a ndeer in, in itam.

1Saŋ 4:11 Referans Kwoze

Kolos 3:13

Naangyo muñanraa. A soƥangaa koy ee o kiin na nuun a saqana o lakas tig, fat nu mbaasanir. Fat nu mbaasanritaa, ne Kiristaa a waasanitna a nuun.

YEGIL MBAAX NE YEESU ne Saŋ a bindtuuna 13:34

Mexe cooxaa a nuun kebil nqas: Fat nu mbexir! Kaam ee fat nu mbexrit, ne fextuuma a nuun.

1Saŋ 3:23

Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

YEGIL MBAAX NE YEESU ne Lik a bindtuuna 10:37

O caajangin oxaa no kebil ke a doonaan ee: «Oxe yirim’uuna.» Maaga, Yeesu a layaan ee: «Reti, too fi naaga!»

Efees 4:31

Ba nu saqan o leng o njaaku kam mbaat nu mat xeeñ, too ba nu mbuux. Ƈufyo coow fo a ben! Baa coxod leng a ref fa nuun!

1Saŋ 2:7

Fog es we fexuuma, refee yee kebil nqas um bindaa a nuun, ndaa kebil ngiid naa nu njeg’ina, yaa nu eetna o ngim boo ndiik. Kebil ngiid neene refu fa lay fee nu nanna.

1Saŋ 3:11

Ke yegnit’eena fo ke nu nanna yaa fo mberaandoong naa, ten refu yee i mbara o mbexir.

1Saŋ 4:7

Fog es we fexuuma, fat i mbexir, yaam o mbeq, na Roog a inooru. Oxuu jegna o mbeq, Roog rimun, too a anda a Roog.

2Saŋ 1:5

Ndiiki koy, leng kut bugoong o xeɗ, wo ya es, too refee kebil nqas, yaam no mberaand naa i ndaawun, ta ref ee: Fat i mbexir a ndeer in.