1Saŋ 3:7 - NQAARIIT NE ROOG

⁷ Xa teɓandoong es, ba o leng a nax a nuun. Oxuu genna no fi’aa cofu, a jofa ne ta jofitna, ten fa xoox um.

1Saŋ 3:7 Referans Kwoze

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

O leetar ole Pool a bindna GIMU WE NGENNA ROM 2:13

Refee yee we na nan-gilooxaa kebil ke Roog na ƭeetkeel nen jofu mbaambir um, ndaa we na ndeefaa kebil ke na njofandkeel.

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

1Saŋ 2:26

Bindaam a nuun keene, yaam we na mo’andaa a nuun.

1Saŋ 2:1

Xa teɓandoong es, kaam bindaa a nuun keene, ndax nu mbakaadkee. Kaa koy, o kiin a bakaadangaa, i njega o paafarit paam Faap fee, ta ref Yeesu Kiristaa, o cofu xe.

A kim a tedu ke 45:7

Uum-maamaad le wo de Roog xan a ref boo faw, o cofel rek o maadooritkaa maat ne wo.

A pi ake 10:35

ndaa no qeet ke fop, oxe feluuna refu oxe saɗaruuna, too a fi’aa cofu.

Efees 5:9

Yaam a qoolaand ale o mat, kaa rimaa o paaxel oluu refna fo o cofel fo ndigil.

A kim a tedu ke 106:3

We na ndeefaa a ƭat, a ngen no mbi’aa cofu, a ƭaaya.

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

YEGIL MBAAX NE YEESU ne Lik a bindtuuna 1:75

A taxa itam i ñaaƴaa mbaambir um kam o tedel fo kam o cofel bes fuu refna no ñoow in.

Saak 2:19

Gimaa yee Roog fa leng soom jegu. Keene paax oo, ndaa cini ke sax sax a andaan, too a mbitaan.

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

Mace 5:20

Mexe layaa a nuun ee o cofel nuun a hupangee ole no jaajangin we no kebil ke Moyiis fo ole no Farisiya we, nu ndokkee no Maat ne na asamaan.»

Saak 1:22

Ba nu nan-gilooxaa fa lay fee soom, mbañin o ndeef, yaam no kaaga, kaa nu naxaa a qoox nuun.

Hebre 7:2

Abraham a cooxaan a seek xarɓaxayandeer ale no ke ta jegiid’ina fop. Gon le Melkisedek kaa eet o tekit ee ‹o maad no cofel›, kaa jolna keene a reeƭa o maad Saleem, tekitna yee ‹o maad jam›.

Hebre 1:8

Kaa koy, no ke jofna no Ƥeenqe, Roog a laya a qoolu yee: «Gamb no maad le wo de Roog, xan a ref boo faw. O cofel rek o maadooritkaa maat ne wo.

Efees 5:6

Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

1Saŋ 3:18

Xa teɓandoong es, ba i mbex na ñiiñ fo na fa lay soom, ndaa fat i njeg o mbeq na pi fo no ndigil.

1Saŋ 4:17

A soƥangaa yee o mbeq onqe a fadnooxa na in, xan i njeg njambaar na bes fee na hate fee na garaa, yaam o ñoow in na adna feeke kaa nand fo ole Yeesu Kiristaa.