1Saŋ 3:4 - NQAARIIT NE ROOG

⁴ Oxuu genna na bakaad, a ɗapa kebil ke Roog itam, yaam bakaad refu ɗap kebil ke.

1Saŋ 3:4 Referans Kwoze

1Saŋ 5:17

Njofaƭar nuu refna bakaad oo, ndaa a jega bakaad faa naageerna o ɓisaa na fa nqon.

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

A lim ale 15:31

Ne ta sibna fa lay es soo a ɗap kebil es, fat a saŋkel, yaam a wara o gadoox njofaƭar um.»

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

O leetar ole Pool a bindna GIMU WE NGENNA ROM 4:15

Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

Dañel 9:11

Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.

2 Caloori ke 24:20

Maaga, Yiif le Roog a fudooxa took Sakari fee o ƥiy Yehoyada fee o saasadax. A inooxa, a faambir fa xeet faa, a lay a den ee: «Roog kaa tee: ‹Xar taxu nu mbañ o ndeef kebil es? Nu nqotitkee teen o ndam o leng toox de. Feek kaa nu nqaƴ o Yaal oxe, ten itam xan a xaƴ a nuun.› »

1 Sami’el 15:24

Naaga, Sawul a laya a Sami’el ee: «Bakaadaam, yaam reefiim ke o Yaal oxe a heblaxama fo ke layaxamoona. O saɗar xiixire es rek taxu um xaƴ a den da mbi ke da mbugna.

1 Caloori ke 10:13

Sawul a xona yaam ngore’aƭar um no Yaal oxe. Kaa fañ’u o nanan bargal ke no Yaal oxe, a doon teen a ret a laamtik we na ƈufginooxaa xon we,

Saak 5:15

A nqeɗtangaa o ngim, yaaga xan o Yaal oxe a wodandin, a innin. A fi’angaa bakaad itam, xan Roog a waasanin o ten.

1 Maad we 8:47

kam saax le da ƥiseena took o hup doole, a nomtiidangaa a yiif den, a saktooxiid me wo, a nqeɗooxong ee: ‹I mbakaada, tooñong soo mbi kaa faaxeerna›,

Esayi 53:8

A dame, a hate’el, a inel meen, ndaa an no suk um a ƭat um a yong’u na muj um? O ñoow um a xuuf’e no lanq ke, kaa xaw’el boo na fa nqon yaam pakaad ke na xeet um.

Mace 5:19

Oxe na xuufkaa leng ne moƴna neew no kebil keeke, soo a jangin wiin we kaaga, xan a xoyeel oxe moƴna neew no we ndefna kam Maat ne na asamaan. Oxe na reefkaa a den koy, soo a jangin wiin we da ndeef a den, xan a xoyeel o maak no Maat ne na asamaan.

A pi ake 23:3

Pool a layaan ee: «Wo soo saq silo tabax naa ran-gineena tafil soom! Xan Roog a xawong. Kaa o moof meen, ndax o hate’aam ne kebil ke a laytuuna, soo ɗapaa kebil ke, simtaa ndax um keɓe’el.»