1Saŋ 3:3 - NQAARIIT NE ROOG

³ Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

1Saŋ 3:3 Referans Kwoze

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

1Saŋ 2:6

Oxe na layaa yee a foga fa Yeesu, a wara o ñaaƴtaa ne ta ñaaƴitna, ten fa xoox um.

2 Piyeer 3:14

Nuun we fexuuma, ten taxu, ne nu cungaa bes feene, ngoorgoorlooxyo ndax nu nqool, ñak sik mbaambir Roog, ndef na jam fo ten.

Mace 5:48

Fat nu ñak sik boog ne Faap nuun fee na asamaan a ñakitna sik.»

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

Hebre 7:26

Yeesu refu boog o saasadax o maak oxe i soxla’na: Kaa fel a Roog, mosee o fi paaxeer leng, too bakaad refee no ten. Roog kaa xaajin fo baabakaad we, soo a ŋaaynin took-ee-took asamaan.

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

A pi ake 15:9

Roog koy, fi’ee njektir leng a ndeer in fa den, yaam o ngim a xoolandtu a qeeñ den.

Tiit 3:7

ndax ne i njofandteena yirmande um, i mbaag o lam o ñoow o fagkeer ole i yaakaaraa.

2 Piyeer 1:4

Neene, o Yaal oxe a cooxa a in a tegit ake moƴna o mboor fo ake moƴna o magin, ndax na pexey den nu ndefat waa mbogna no ten, yaa nu ƈufaa ke na yaqaa adna fee yaam a yaaw a paaxeer ake.

YEGIL MBAAX NE YEESU ne Lik a bindtuuna 6:36

Saqyo yirmande ne Faap nuun a saqitna yirmande.»

1Saŋ 4:17

A soƥangaa yee o mbeq onqe a fadnooxa na in, xan i njeg njambaar na bes fee na hate fee na garaa, yaam o ñoow in na adna feeke kaa nand fo ole Yeesu Kiristaa.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

O leetar ole Pool a bindna GIMU WE NGENNA ROM 15:12

Esayi a layahina yee: «Xan o ndaan Isay a gar, xan a maadoox took qeet ke ndefeerna Yaawuur, too qeet ke fop xan a ndoon yaakaar den no ten.»

2 Sami’el 22:27

Kaa o faax no xe jegna xeeñ xoolu, soo fañraa fo xe moseerna kam.

YEGIL MBAAX NE YEESU ne Saŋ a bindtuuna 17:19

Tedlandaam a xoox es yaam den, ndax da tedit no ndigil ne.

Saak 4:8

Matiidyo me Roog, too xan a matiid a nuun. Nuun baabakaad we, mbaasyo bakaad. Nuun wiin a yiif-a-ƭak, sutyo paaxeer na qeeñ nuun.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

1 Piyeer 1:15

Ne oxe xoyna a nuun a teditna, fat nu ndef wiin tedu kam a pesoorooƭ nuun fop,