1Saŋ 3:24 - NQAARIIT NE ROOG

²⁴ Oxuu na gayaa kebil ke ten, na Roog a genu, too Roog itam a gena no ten. Mene i anditkaa yee Roog a gena na in: A ci’a a in Yiif le ten.

1Saŋ 3:24 Referans Kwoze

1 Korint 3:16

Kaa nu andee yee nuun ndefu Mbind Roog ne, Yiif um a gen na nuun?

2 Timote 1:14

Geeki paax ke doxnee’oona, no ndimle nqe no Yiif Tedu le genna na in.

1Saŋ 2:6

Oxe na layaa yee a foga fa Yeesu, a wara o ñaaƴtaa ne ta ñaaƴitna, ten fa xoox um.

1 Korint 6:19

Kaa nu andee yee cer nuun ndefu ngenand Yiif Tedu le, Roog a cooxna a nuun? Feek oxe na nuun koy, nu njegatee a qoox nuun.

1Saŋ 4:7

Fog es we fexuuma, fat i mbexir, yaam o mbeq, na Roog a inooru. Oxuu jegna o mbeq, Roog rimun, too a anda a Roog.

YEGIL MBAAX NE YEESU ne Saŋ a bindtuuna 17:21

ndax den fop da ndef o leng. Faap, ne reftoona na mi, um ref na wo, kaam xeɗaa da ndefit neen na in itam, ndax adna fee a mbaag o ngim ee wo luliidaxam.

1Saŋ 3:22

Kuu i nqeɗaa, no ten i ndaawtan, yaam kaa i ngay kebil ke ten, mbi’aa ke feluuna.

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

YEGIL MBAAX NE YEESU ne Saŋ a bindtuuna 10:38

Kaa koy, a soƥangaa yee a pi um saqum, koo nu ngimangiraam oo, ngimyo a pi akeene, ndax nu mbaag o nga xil ee Faap fee oxe na mi, mi, um ref no ten.»

YEGIL MBAAX NE YEESU ne Saŋ a bindtuuna 14:17

O Yaayaal oxeene refu Yiif le Roog saqna ndigil ne, ndaa o kiin adna waagiran o jaɓ, yaam ga’iran too andiran. Nuun o mat, nu andaan, yaam fa nuun a genu, too xan a ref na nuun.

1 Tesalonik 4:8

Yaaga boog, oxuu andoona koy ee kaa fañ bargal keene, refee yee o kiin a deɓu, ndaa Roog fee ci’na a nuun Yiif Tedu le ten.

1Saŋ 2:3

I ngayangaa kebil ke ten, maaga i anditkaa yee i anda o Yaal oxe.

1Saŋ 2:5

Kaa koy, oxuu na gayaa fa lay um, o mbeq onqe Roog a fadnooxa no ten. I ngayangaan, maaga i anditkaa yee in wey no ten.

1Saŋ 2:24

Yaasam fa lay fee nu nanna no mberaandoong naa a gen na nuun. Boo ke nu nanna no mberaandoong naa a maadna o genaa na nuun, xan nu ngen no Ƥeenqe fo na Faap fee.