1Saŋ 3:23 - NQAARIIT NE ROOG

²³ Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

1Saŋ 3:23 Referans Kwoze

YEGIL MBAAX NE YEESU ne Saŋ a bindtuuna 13:34

Mexe cooxaa a nuun kebil nqas: Fat nu mbexir! Kaam ee fat nu mbexrit, ne fextuuma a nuun.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

YEGIL MBAAX NE YEESU ne Saŋ a bindtuuna 15:12

Keeke koy refu kebil es: ‹Mbexrityo, ne fextuuma a nuun.›

YEGIL MBAAX NE YEESU ne Saŋ a bindtuuna 6:29

Maaga, Yeesu a doona a den ee: «A pi ale Roog a bugna refu yee nu ngim no xe ta luliidna.»

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

1Saŋ 3:11

Ke yegnit’eena fo ke nu nanna yaa fo mberaandoong naa, ten refu yee i mbara o mbexir.

1Saŋ 4:21

O ten sax cooxu a in kebil nene: Oxuu fexna a Roog, fat a fex o pog um itam.

1 Tesalonik 4:9

Soxla’ee nu mbindel kaa farna no ne nu mbarna o mbexrit a ndeer nuun, yaam nu njangtaan na Roog.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Mark 9:7

Eel a gara, a muur a den. Maaga, o ñuxur a nannoorta kam eel laa, too a lay ee: «Oxene refu o Ƥees onqe fexuuma fex. Nan-gilooxeenoo!»

Mace 22:39

Neeke refu ƭikandeer ne nandna fo ten: ‹Xan o fex o kend of nen a xoox of.›

A pi ake 16:31

A ndoonayo yee: «Gimi no Yaal oxe Yeesu, too xan o muc, wo fo wiin mbind of.»

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

YEGIL MBAAX NE YEESU ne Saŋ a bindtuuna 14:1

«Ba nu njaaxiɗ, ngimyo na Roog, ngim na mi.

A kim a tedu ke 2:12

Siminyo o ƥeenqe, mboonin, ndik ta fuux, soo nu saŋkoor na ƭat nuun, yaam fuux um kaa yooɓ o biltoox. Kaa koy, we na njaɓnooxaa no ten a ƭaaya.

1 Timote 1:15

Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

YEGIL MBAAX NE YEESU ne Saŋ a bindtuuna 2:23

Ye Yeesu a refna Yeerusaleem na Xew fee na colandax ale, mayu a ngima no ten, ye da nga’na xa anddiloor axe ta fi’oogna.

YEGIL MBAAX NE YEESU ne Saŋ a bindtuuna 3:18

Oxuu gimna no ten hate’kaand, ndaa oxuu gimeerna a hate’e boo a ƴut, yaam ne ta gimeerna no Ƥiy o leng kut onqe Roog.

1Saŋ 2:7

Fog es we fexuuma, refee yee kebil nqas um bindaa a nuun, ndaa kebil ngiid naa nu njeg’ina, yaa nu eetna o ngim boo ndiik. Kebil ngiid neene refu fa lay fee nu nanna.

1Saŋ 4:15

Oxe jaɓna o weejil ee Yeesu o Ƥeenqe Roog oo, Roog a gena no xeene kiin, too ten itam, oxe na Roog.

1Saŋ 5:13

Bindaam a nuun keene fop, ndax nu and ee nu njega o ñoow o fagkeer ole, nuun we ngimna no gon no Ƥeenqe Roog.