1Saŋ 3:22 - NQAARIIT NE ROOG

²² Kuu i nqeɗaa, no ten i ndaawtan, yaam kaa i ngay kebil ke ten, mbi’aa ke feluuna.

1Saŋ 3:22 Referans Kwoze

YEGIL MBAAX NE YEESU ne Saŋ a bindtuuna 15:7

Nu saxangaa na mi, fa lay es a gen na nuun, nu mbaaga o nqeɗ kuu nu mbugna, too xan nu ci’el o ten.

YEGIL MBAAX NE YEESU ne Saŋ a bindtuuna 9:31

I anda toox de yee Roog naagee o jaɓaa a qeƭ no paabakaad, ndaa oxuu na niwan, a fi’aa ke ta bugna, a naagaan o jaɓanaa.

Mace 21:22

Kuu nu nqeɗna fo o ngim, xan nu ndaawin.»

1Saŋ 5:14

I njega paam um njambaar nene: Boo i nqeɗna tig, ta yoon fo o bug ole Roog, xan a jaɓ a qeƭ in.

Mark 11:24

Ten taxu mexe layaa a nuun ee: Kuu nu nqeɗna, ngimyo yee nu ndaawaan, too xan nu cooxel o ten.

YEGIL MBAAX NE YEESU ne Saŋ a bindtuuna 14:13

Kuu nu nqeɗna no gon es, xam fi’in, ndax no Ƥeenqe, Faap fee a ɓoxotel o ndam.

Xa peƭit axe 15:29

O Yaal oxe kaa goƭaa soxodu we, ndaa kaa nan-gilooxaa a qeƭ ake no jofu we.

A kim a tedu ke 34:4

Ngaryo i tagas o Yaal oxe. Fat i simatandoor gon um.

Saak 1:5

O kiin na nuun a jegangee yiif deyu, fat a xeɗin a Roog, too xan a ci’in o ten. A woora yee Roog a naaga o ci’taa fop bo ta dey, too ŋañkee oxe xeɗuuna.

YEGIL MBAAX NE YEESU ne Saŋ a bindtuuna 8:29

Oxe lulaxama, oxe fa mi. Xaƴiraam sang es, yaam kaam fi’aa kili ke feluuna.»

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

Yeremi 33:3

Ƴufginooxaam, too xam jaaɓong, yegnong tig maak fo kaa ɗasna, andeeroona.

Saak 5:16

Ten taxu, um layaa a nuun ee: Mbeejliryo pakaad nuun, too nqeɗanraa a Roog itam, ndax nu mbod. A qeƭ no kiin o cofu a jega doole lool.

A kim a tedu ke 50:15

Ƴufginooxaam, yaa refoona na naqad, xam muclong, soo o ɓoxotaam o ndam.»

YEGIL MBAAX NE YEESU ne Saŋ a bindtuuna 6:29

Maaga, Yeesu a doona a den ee: «A pi ale Roog a bugna refu yee nu ngim no xe ta luliidna.»

Filip 4:18

Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.

A pi ake 17:30

Roog ɗeetatee camaane ke wiin we a ndeeƭna no ñak-o-and. Ndiiki koy, oxe xoyaa wiin we na adna fee fop, da mbes pakaad den a cinj,

YEGIL MBAAX NE YEESU ne Saŋ a bindtuuna 15:10

Nu naangangaa o ngayaa kebil ke mi, xan nu ngen no mbeq es, yaam neene o mat gaytum kebil Faap es boo gen no mbeq um.

Mace 17:5

Yaa ta maadna o layaa, eel xoolu a muura a den. A jega o ñuxur olaa nannoorna kam eel laa, too a lay ee: «Oxene refu o Ƥees onqe fexuuma fex, too no ten felakinoortum. Nan-gilooxeenoo!»

Esayi 1:15

Nu ndekangaa xa ƥay tee kaa nu nqeɗaa, kaam fesaa a nuun o log, yaam ndik um hel o ga a nuun. Kuu nu ndupataa ndupat a qeƭ nuun oo, nan-gilooxkiim, yaam xa ƥay axe nuun kaa yedin.

Xa peƭit axe 28:9

Boo o kiin a suxlooxna kebil ke no Yaal oxe, a qeƭ um sax kaa sednoox.

A kim a tedu ke 10:17

O Yaal oxe, kaa o nan-gilooxaa ke neewandooxu we a yakaƥaaraa, soo ɓaataa a den njambaar. Kaa o rungaa nof of farna fa den,

A pi ake 20:21

Jasnooraam fo Yaawuur we fo we ndefeerna Yaawuur, xoy a den ndax da ndamoox na Roog, too a ngim no Yaal oxe Yeesu.

Ke bindeena no xe ne’eena YOB 22:26

Maaga, xan o ɗaay of a ref no Cegu katil oxe, o cok of a ref took mbaambir um.

Saak 4:3

Nu nqeɗangaa a Roog sax, ndax ta ci a nuun tig, ci’kiran a nuun, yaam a qeƭooƭ nuun faaxee. Kaa nu nqeɗaa ndax nu mbadin a yuxum nuun.

1Saŋ 2:3

I ngayangaa kebil ke ten, maaga i anditkaa yee i anda o Yaal oxe.