1Saŋ 3:21 - NQAARIIT NE ROOG

²¹ Fog es we fexuuma, boo a qeeñ in a njambeerna a in, i njega njambaar mbaambir Roog.

1Saŋ 3:21 Referans Kwoze

1Saŋ 2:28

Ndiiki koy, xa teɓandoong es, ngenyo no ten, ndax nu njeg njambaar, yaa ta feeñkaa, soo ñak o sed, yaa ta garkaa.

Hebre 4:16

Fat i ngooloox o matiid boog gamb no maad le Roog, me yirmande a refna. Xan i ndaawit teen a baasan, njegit teen yirmande fo o ndimle a mbanuu i soxla’uuna.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

1Saŋ 5:14

I njega paam um njambaar nene: Boo i nqeɗna tig, ta yoon fo o bug ole Roog, xan a jaɓ a qeƭ in.

A kim a tedu ke 101:2

Kaam bug o goorgoorloox o ñaaƴnit ne ta helitna. A mban o garkaa farna fa mi? Xam ɗofit o ñaaƴaa fo xeeñ jofu kam mbind es.

1Saŋ 4:17

A soƥangaa yee o mbeq onqe a fadnooxa na in, xan i njeg njambaar na bes fee na hate fee na garaa, yaam o ñoow in na adna feeke kaa nand fo ole Yeesu Kiristaa.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

Ke bindeena no xe ne’eena YOB 22:26

Maaga, xan o ɗaay of a ref no Cegu katil oxe, o cok of a ref took mbaambir um.

1 Korint 4:4

Mi fa xoox es, siisooxiim dara, yaam taa no yiif es ga’iim ee ɗapafulaam ngor ne ta cungaa na mi. Kaa koy, um ñak o siisoox tig sax, taxee um ñak ƥanjel, ndaa kaaga, o Yaal oxe jegun, o ten na hate’kaxam.

Ke bindeena no xe ne’eena YOB 27:6

Kaam geenoox no fañan a xoox es too sutooxkiim teen. Yiif es jambiraam naa moofum.

1 Timote 2:8

Yaaga boog, kaam bug boo goor we a nqeɗaa muu da ndefna ndef, da ndekaa xa ƥay xa qoolu, too a mbaas fuux fo a qalaat a paaxeer.

O leetar ole Pool a bindna GIMU WE NGENNA ROM 14:22

Ke refna o ngim of no keene koy, naaganeen a xoox of ñuk mbaambir Roog. O kiin oxe andoona yee siisooxee na xoox um, yaa ta fosooxna o fi tig, a ɗaaya.

Efees 3:12

Yaam ne i mbogna na Kiristaa, i njega njambaar naa i ngeenooritna mbaambir Roog. I mbaagaan o mbi fo a koolax a teyu sik, yaa i ngimna no ten.

1Saŋ 2:7

Fog es we fexuuma, refee yee kebil nqas um bindaa a nuun, ndaa kebil ngiid naa nu njeg’ina, yaa nu eetna o ngim boo ndiik. Kebil ngiid neene refu fa lay fee nu nanna.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

1Saŋ 3:20

Boo a qeeñ in a njambna a in, Roog hupu a den too a anda kuu refna.