1Saŋ 3:20 - NQAARIIT NE ROOG

²⁰ Boo a qeeñ in a njambna a in, Roog hupu a den too a anda kuu refna.

1Saŋ 3:20 Referans Kwoze

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

1 Korint 4:4

Mi fa xoox es, siisooxiim dara, yaam taa no yiif es ga’iim ee ɗapafulaam ngor ne ta cungaa na mi. Kaa koy, um ñak o siisoox tig sax, taxee um ñak ƥanjel, ndaa kaaga, o Yaal oxe jegun, o ten na hate’kaxam.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

Yeremi 23:24

Ndax o kiin a waaga o ɗas maa laqooxna boo ga’kinum? Ndax mayiim asamaan fee fo lanq ke?» O Yaal oxe layun.

Ke bindeena no xe ne’eena YOB 33:12

Xam doonong no keene yee layiro ndigil, yaam Roog hupu o kiin.

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

A kim a tedu ke 90:8

Dara kunpa’irang no njofaƭar in, tooñ ke i ƭasnaa sax kaa naang dañ na kid of.

Tiit 3:11

and ee o kiin um kaa mo. Ten fa xoox um sax a naagaan o andaa, soo a diy o moƴ o mudaa na bakaad.

Ke bindeena no xe ne’eena YOB 27:6

Kaam geenoox no fañan a xoox es too sutooxkiim teen. Yiif es jambiraam naa moofum.

YEGIL MBAAX NE YEESU ne Saŋ a bindtuuna 8:9

Yaa da nanna kaaga a ndalfooxa o mbojoox o leng o leng, maak we a adoox. Yeesu fo o tew oxe soom yoq’atu maaga, o tew oxe a geenoox rek.

Hebre 6:13

Ye Roog a cooxaa a Abraham a tegit ale, a yoonandit’aan a taaƥ. Ne ta jeg’eerna o lakas oxaa hupuuna, too ta war’un o daaɓoox, a daaɓoorta a xoox um.

A pi ake 5:33

Yaa waa mbog’ina no Mal maak ne a nanna kaaga, a mbuux’a fuux maak, too a mbug’a o mbarnoor apootar waa.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

1Saŋ 3:19

Mene i anditkaa yee no ndigil ne i mbogu, a qeeñ in a njeg o woor mbaambir Roog:

1Saŋ 3:21

Fog es we fexuuma, boo a qeeñ in a njambeerna a in, i njega njambaar mbaambir Roog.