1Saŋ 3:18 - NQAARIIT NE ROOG

¹⁸ Xa teɓandoong es, ba i mbex na ñiiñ fo na fa lay soom, ndaa fat i njeg o mbeq na pi fo no ndigil.

1Saŋ 3:18 Referans Kwoze

O leetar ole Pool a bindna GIMU WE NGENNA ROM 12:9

O mbeq waree o jeg luq-luq fa leng. Fat nu mbañ ke faaxeerna, soo saaƭoox no fop ke faaxna.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Galati 5:13

Fog we, nu sute no mbaƭ ne nu ndeeƭna, ndaa baa a sutax aleene a tax nu ñoowaa no ke cer ke nuun a yaawaa. Yaaga boog, fat o mbeq onqe a tax nu ndagooraa.

Efees 4:15

Kaa koy, boo i layaa ndigil ne fo o mbeq, xan i maak no kuu ta refna ref farna fa Kiristaa refna xoox le.

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

1Saŋ 2:1

Xa teɓandoong es, kaam bindaa a nuun keene, ndax nu mbakaadkee. Kaa koy, o kiin a bakaadangaa, i njega o paafarit paam Faap fee, ta ref Yeesu Kiristaa, o cofu xe.

2Saŋ 1:1

Mi fee refna o maak kam mbokatax ne no gimu we na bindang o leetar oleeke, wo fee refna yaay na mi, wo fee Roog a jilna, wo fo xa ƥeef axe fexuuma tigi. Refee yee mi doŋ fexu a nuun, ndaa fop we andna ndigil ne.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

A sutax ale 33:21

Ɗeeti, o mbiñ onqene mataxama, a jega ɓil laa waagoona o geenoox.

YEGIL MBAAX NE YEESU ne Saŋ a bindtuuna 17:19

Tedlandaam a xoox es yaam den, ndax da tedit no ndigil ne.

1Saŋ 3:7

Xa teɓandoong es, ba o leng a nax a nuun. Oxuu genna no fi’aa cofu, a jofa ne ta jofitna, ten fa xoox um.

3Saŋ 1:1

Wo Gayus fee fexuuma tigi, mi fee refna o maak no mbokatax ne no gimu we na bindang o leetar oleeke.

YEGIL MBAAX NE YEESU ne Lik a bindtuuna 7:5

yaam a fexa xeet in, too o ten maxu mbind a qeƭ naa in.»