1Saŋ 3:17 - NQAARIIT NE ROOG

¹⁷ O kiin a jegangaa kalal adna, too a ga o pog um a ref na soxla, soo ta ɓalgin laaw um, nam o mbeq onqe Roog a gentu no ten?

1Saŋ 3:17 Referans Kwoze

Hebre 13:16

Ba nu mbeecit muk o mbi’aa ke faaxna, ndimle’raa a ndeer nuun. Sadax nandu neene ndefu ke mbelna a Roog.

1Saŋ 4:20

O kiin a layangaa yee: «Fexaam a Roog», soo a sib o pog um, oxeene o maamaaɓ oo. Oxe waageerna o fex o pog um oxe ta ga’aa, nam a waagu o fexit a Roog fee ta ga’eerna?

YEGIL MBAAX NE YEESU ne Lik a bindtuuna 3:11

Saŋ a doona a den ee: «Oxuu jegna toki ƭik, fat a coox teen leng oxe jegeerna, oxe jegna kaa ta ñoowitna, a xaajir fo xe jegeerna.»

Xa peƭit axe 19:17

Oxe na yirmaa o ndool onqe, o Yaal oxe a rawnaa, too xan a rabdin a pi um.

Saak 2:15

A soƥangaa yee o pog of no ngim onqe, ta ref o koor mbaat o tew, a ɓaŋde mbaat ta ñak ñaamel,

Xa peƭit axe 28:9

Boo o kiin a suxlooxna kebil ke no Yaal oxe, a qeƭ um sax kaa sednoox.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

Xa peƭit axe 12:10

O cofu xe a anda ke cegel um a soxla’na sax, kam fee no soxodu xe mat a kaƥaa.

Xa peƭit axe 14:31

Oxe na toroxandaa o ndool onqe, kaa xeef oxe sakuuna, yirim o toroxu xe mat a ref o niw o saasak um.

Xa peƭit axe 21:13

Oxe na suxlooxaa ƈufginax no ndool onqe, xan a ƴufginoox ten fa xoox um, too jaaɓkaand.

Saak 2:16

soo o leng na nuun a layin ee: «Reti fa jam, raƭook! Yaasam o jeg ñaamel!» soo a fañin o coox ke ta soxla’na no cer um, xar kaaga a ɗaxu?