1Saŋ 3:15 - NQAARIIT NE ROOG

¹⁵ Oxuu na sibaa o pog um, o baawar oo, too nu anda yee o baawar o leng jegee o ñoow o fagkeer ole kam um.

1Saŋ 3:15 Referans Kwoze

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

A pi ake 23:14

Naaga, a ndeta maa no saasadax o maak oxaa fo maak waa, too a lay a den ee: «Kaa i ndaaɓoox ee feek i mbaree a Pool, i luuxkatee ngaaf.

Saak 1:15

Paaxeer ke ta yuxmaa na ndimaa bakaad, bakaad a maakangaa, a rim fa nqon.

A pi ake 23:12

Yaa a kid akaa a nqoolna, Yaawuur leng-leng a ƭaapa pexey, too a ndaaɓooxa yee a refangeerna kaa mbar a Pool, ñaamkatee, yerkatee.

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

Mark 6:19

Herojas kaa fuuxan’u a Saŋ, too a bug’aan o warnoor, ndaa waag’iran,

Mace 5:28

Mi o mat, mexe layaa a nuun ee: Oxuu na ɗeetaa o tew boo a yaawin, a seeqa fo ten no xeeñ um boo a ƴut.

Mberaand 27:41

Esawu a dalfooxa o fuuxan a Yakoob, yaam barke fee faap um a barke’uuna. Esawu kaa layoogu no xeeñ um ee: «Ndiiki faap es a xon, too a koom xam war a Yakoob fee o ndeɓ es.»

1 Piyeer 1:23

Kaa nu ndimel o rimel o xas, refee no paap kaa mbarna o nqon, ndaa no ax kaa mbaageerna o nqon. Ax keene ndefu fa lay fa ñoowu fee Roog, na refkaa boo faw.

A cangatin ale 19:11

A soƥangaa koy ee o kiin kaa saqan o kend um o njaaku kam, a fogan soo a yen took um, a xawin bo ta xon, oxe warna a ƴufangaa na fa leng no teeru keene sax,

1Saŋ 2:9

Oxe na layaa yee: «Mexey kam a qoolaand ale», too fexee o pog um, a maada no niɓaan ole.

1Saŋ 2:11

Kaa koy, oxe fexeerna o pog um, no niɓaan ole a refu. Kaa ñaaƴaa no niɓaan ole itam, too andee me ta jofaa, yaam o niɓaan ole kaa muur a kid um.