1Saŋ 3:14 - NQAARIIT NE ROOG

¹⁴ I anda yee i njangoorta na fa nqon, ngat no ñoow ole, yaam kaa i mbex fog in. Oxuu jegeerna o mbeq, na fa nqon a genu.

1Saŋ 3:14 Referans Kwoze

1Saŋ 5:2

Mene i anditkaa yee i mbexa xa ƥiy axe Roog: Kaa i mbex a Roog, too ndeefaa kebil ke ten.

YEGIL MBAAX NE YEESU ne Saŋ a bindtuuna 13:35

Boo nu mbexirna, xan fop a and ee daalbe es nu ndefu.»

1 Tesalonik 4:9

Soxla’ee nu mbindel kaa farna no ne nu mbarna o mbexrit a ndeer nuun, yaam nu njangtaan na Roog.

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

Hebre 13:1

Ngenyo no mbexraa a ndeer nuun nen waa ndefna fog na Kiristaa!

YEGIL MBAAX NE YEESU ne Saŋ a bindtuuna 15:12

Keeke koy refu kebil es: ‹Mbexrityo, ne fextuuma a nuun.›

1Saŋ 4:12

O leng mosee o ga a Roog. Boo i mbexirna a ndeer in, Roog kaa genaa na in, soo o mbeq um a fadnoor na in.

1Saŋ 3:23

Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

Kolos 1:4

yaam kaa i layel o ngim nuun na Kiristaa Yeesu fo o mbeq onqe nu njegna no gimu we fop.

Efees 1:15

Ten taxu mi itam, ye nanuuma o ngim nuun no Yaal oxe Yeesu a layteel, nan itam wiin we a layaa o mbeq onqe nu njegna no we mbogna na Roog fop,

1Saŋ 5:13

Bindaam a nuun keene fop, ndax nu and ee nu njega o ñoow o fagkeer ole, nuun we ngimna no gon no Ƥeenqe Roog.

YEGIL MBAAX NE YEESU ne Saŋ a bindtuuna 15:17

Ke hebluuma a nuun refu nu mbexir.»

1Saŋ 2:3

I ngayangaa kebil ke ten, maaga i anditkaa yee i anda o Yaal oxe.

2 Piyeer 1:7

no damoox na Roog ole nuun nu nqaariitooraa a ndeer nuun, soo no nqaariitoor ne nuun o mbeq.

Efees 2:5

A taxa boo i ñoowatin fa Kiristaa, in we ndeeƭna waa nqonna mbaambir um yaam tooñ in. Neene boog, na yirmande Roog nu muctu.

2 Korint 5:1

A woora a in ee ƭiif in neeke no lanq ke, ta ref cer in, a yaqooxangaa yoo, i njega na asamaan mbind naa Roog a geekanna a in, ta ref cer aa-asamaan. Kaa ref ngenand njegee muukandoong naa o ɓay no kiin a maxeerna.

A kim a tedu ke 16:3

No tedu we ndefna no saax le, a mbaax, um felakinoortaa.

Efees 2:1

Yaaga, kaa nu nqon’u mbaambir Roog yaam tooñ nuun fo pakaad nuun.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

YEGIL MBAAX NE YEESU ne Lik a bindtuuna 15:32

Kaa koy, kaa o war’u o sawar too felakinoox, yaam o ndeɓ of oxey, kaa xon’u, too a ñoowatina, kaa mo’’u, too a feeña.› »

YEGIL MBAAX NE YEESU ne Lik a bindtuuna 15:24

Yaam o ƥees onqe xon’ina a ñoowatina. Kaa mo’’u too a feeña.› Naaga, a ndalfooxa o ndef no mbelakinooxaa.

Xa peƭit axe 21:16

Oxe na ɗapaa a ƭat ale no jeg-yiif ole took o xaad maa no xon waa a jofu.

YEGIL MBAAX NE YEESU ne Lik a bindtuuna 7:5

yaam a fexa xeet in, too o ten maxu mbind a qeƭ naa in.»