1Saŋ 3:12 - NQAARIIT NE ROOG

¹² Ba i nand fa Kayin fee fog’ina no paaxeer oxe, boo a xiris o ndeɓ um. Xar tax’u ta warin? Yaam a pi um kaa mbaax’ee, too a pi no ndeɓ um a njof.

1Saŋ 3:12 Referans Kwoze

Hebre 11:4

O ngim o mat tax’u Abel a ɓoxot a Roog sadax faa moƴna fee Kayin. Roog a ɗeetaan nen o cofu yaam o ngim um, too Roog fa xoox um a jaɓa ci’it um. Abel a xona, ndaa o ngim um a taxa ta maad o layaa.

Xa peƭit axe 29:27

O cofaƭaru xe kaa sibdoox na kid no jofu we, soo oxe a ƭat um a jofna a sibdoox na kid no soxodu we.

Mberaand 4:25

Aadama a dakooxa o yoon fo o teem, o tew oxe a rok o fud, a ñoot o ƥiy o ngoor, soo a ne’in Set, a lay ee: «Yaam Roog a ci’axam o ƥiy o lakas ta rondand a Abel fee Kayin a warna.»

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

YEGIL MBAAX NE YEESU ne Lik a bindtuuna 11:51

no kaa xotitna na Abel boo no fo’oy laa Sakari fee warit’eena a ndeer Mbind Roog naa fo o sadaxand olaa. Iyo, mexe layaa a nuun ee: Xan a laacel wiin we ndiiki.

Mace 23:35

No ndigil, mexe layaa a nuun ee: Xan fo’oy le no jofu we ɓaxooxna a lanq fop a yen took wiin we ndiiki. No fo’oy laa Abel o cofu xe a xotitkaa, boo no fo’oy laa no ƥiy Barakiya ne’eena Sakari, too nu mbarit’un a ndeer Mbind Roog naa fo o sadaxand olaa.»

Xa peƭit axe 29:10

Wiin fo’oy we kaa sibaa o booru xe, a mbaaƭaa maa da njangitna o ñis no jofu we.

1 Piyeer 4:4

Ndiiki koy, genar nu ndefatu na den, yaam ne nu yoonateerna fa den no late leene, too kaa mbenaa a nuun.

Hebre 12:24

Kaam ee, nu matiida a Yeesu fee refna o ndok-a-ndeer onqe no ngiɓoor nqas ne, matiid fo’oy le ten ɓaxeena, too a regaa a nuun kaa moƴna le Abel.

A kim a tedu ke 38:20

Fañ es owe ñoowaa tigi, a may doole bo. We sibtaxama cegeer owey gañ.

A kim a tedu ke 37:12

O soxodu xe kaa yuuɓanaa o cofu xe paaxeer, a ŋatooxanan,

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

A pi ake 7:52

An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin.

YEGIL MBAAX NE YEESU ne Saŋ a bindtuuna 10:32

Yeesu a laya a den ee: «Fi’aam mbaambir nuun a pi a paax a mayu, da ngat na Faap fee. Alum na pi akeene taxu nu mbugaam o mbarit a kac?»

Mace 27:23

Gofornoor fee a laya yee: «Paaxeer kum a fi’u?» Maaga, wiin waa a moƴa o mbuuq ee: «Fat a rengel na kurwaa!»

Mace 13:38

A yang ale refu adna fee, ax paax ke a ndef xa ƥiy axe no Maat ne, soo puulaand ke a ndef xa ƥiy no paaxeer oxe.

Mace 13:19

O kiin a nanangaa fa lay fee no Maat ne, too andee ke ta tekitna, o paaxeer oxe kaa garaa soo a watin ke duufeena kam xeeñ um. O kiin oxeene nandu fo ax ke yenna kam a ƭat ale.

Mbeeñil 17:6

Ga’aam ee o tew oxe kaa way’u na fo’oy le no we mbogna na Roog fo na fo’oy le no we seede’anoogna a Yeesu. Kaaga a bet’axam lool ye ga’anuuma.

1 Tesalonik 2:14

Fog es, kaa nu nand ndiiki fo pokatax ke no we ngimna no Yaal oxe Kiristaa Yeesu ndefna kam Yudee. Gentand nuun ŋaƈit a toroxanda a nuun, ne Yaawuur we a toroxandit’ina pokatax keene.

2 Sami’el 13:22

Absalom o mat layoogatee fa Amnon. Kaa sib’atun, yaam ne ta gigin’ina a Tamaar fee o cigeen um.

Xa peƭit axe 27:4

Ngañak kaa yedin, fuux le a ref nen poofi kaa mbalna, naal koy, an waagun o xox?

Mace 5:37

Fat fa lay nuun a ref ‹ii› mbaat ‹ha’aa›! Kuu nu ƥaatna taaga no ƈiƴ oxe a inooru.»

YEGIL MBAAX NE YEESU ne Saŋ a bindtuuna 8:40

Nu mbaaƭee tus toox de, a refangee maa nu nquufitna ñoot o ñis es, too layiim a nuun dara, a refangee ndigil ne nantuuma na Roog. Abraham mosee o fi nandu neene.

YEGIL MBAAX NE YEESU ne Saŋ a bindtuuna 8:41

Nu mbi’ee nen o ten, nen a faap nuun nu mbi’aa.» A layaan ee: «I ndefee xa ƥiy ceeq fe! Faap fa leng koŋ i njegu, ta ref Roog.»