1Saŋ 3:11 - NQAARIIT NE ROOG

¹¹ Ke yegnit’eena fo ke nu nanna yaa fo mberaandoong naa, ten refu yee i mbara o mbexir.

1Saŋ 3:11 Referans Kwoze

YEGIL MBAAX NE YEESU ne Saŋ a bindtuuna 15:12

Keeke koy refu kebil es: ‹Mbexrityo, ne fextuuma a nuun.›

2Saŋ 1:5

Ndiiki koy, leng kut bugoong o xeɗ, wo ya es, too refee kebil nqas, yaam no mberaand naa i ndaawun, ta ref ee: Fat i mbexir a ndeer in.

1Saŋ 4:7

Fog es we fexuuma, fat i mbexir, yaam o mbeq, na Roog a inooru. Oxuu jegna o mbeq, Roog rimun, too a anda a Roog.

1Saŋ 4:21

O ten sax cooxu a in kebil nene: Oxuu fexna a Roog, fat a fex o pog um itam.

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

1Saŋ 1:5

Ke i njangitna no ten, i yegnaa a nuun. Ten refu yee Roog a qoolaand oo, too o niɓaan o leng refee no ten.

1 Tesalonik 4:9

Soxla’ee nu mbindel kaa farna no ne nu mbarna o mbexrit a ndeer nuun, yaam nu njangtaan na Roog.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

Galati 6:2

Ba nu ñak o ndoxondooxanraa toq ke nuun. Nu mbi’angaan, xan nu ndeef ke Kiristaa a hebilna.

YEGIL MBAAX NE YEESU ne Saŋ a bindtuuna 13:4

Yaa da ndeerna, a nju’ooxaa, Yeesu a dalfooxa o inoox, a wol sabadoor um, soo a humnoox portir.

1Saŋ 4:11

Fog es we fexuuma, Roog a fextangaa a in neene, i mbara o mbexir a ndeer in, in itam.