1Saŋ 3:10 - NQAARIIT NE ROOG

¹⁰ Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.

1Saŋ 3:10 Referans Kwoze

1Saŋ 4:8

Oxe jegeerna o mbeq koy, andee a Roog, yaam Roog o mbeq oo.

3Saŋ 1:11

Wo fee fexuuma o mat, ngela ba o laal paaxeer. Fat paax soom a ref o ɗeendoor of. Oxe na ñoowaa na pi a paax, o ndeɓandoong Roog oo, ndaa oxe naageerna o reefaa paax, matee a Roog.

1Saŋ 4:21

O ten sax cooxu a in kebil nene: Oxuu fexna a Roog, fat a fex o pog um itam.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Mace 13:38

A yang ale refu adna fee, ax paax ke a ndef xa ƥiy axe no Maat ne, soo puulaand ke a ndef xa ƥiy no paaxeer oxe.

YEGIL MBAAX NE YEESU ne Saŋ a bindtuuna 8:47

Oxe fogna na Roog, kaa nan-gilooxaa fa lay Roog. O nanangaa nu nan-gilooxee fa lay es, kaa nu mbogee na Roog.»

YEGIL MBAAX NE YEESU ne Lik a bindtuuna 6:35

Kaa koy, mbexyo fañ nuun, mbi’anaa a den paax, ƥandtaa, too mbañ o yaakaar teen tig. Yaaga, xan ndabid nuun a magin, nu ndef xa ƥiy no xe refna Took-ee-took, yaam a faaxa no gore’aƭaru we fo soxodu we.

1Saŋ 4:6

In o mat, na Roog i mbogu. Oxe andna a Roog, kaa nan-gilooxaa a in. Oxe fogeerna na Roog koy, nan-gilooxkee in. Meene i andtaa Yiif le no ndigil ne fo yiif le na mo’andaa.

Efees 5:1

Nuun we ndefna xa teɓandoong Roog axaa ta fexna, laaleenoo no keene.

1Saŋ 5:2

Mene i anditkaa yee i mbexa xa ƥiy axe Roog: Kaa i mbex a Roog, too ndeefaa kebil ke ten.

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

A pi ake 13:10

«Wo fee mayna fo naanaxir fo coxod ƥor, ref o ƥiy no ƈiƴ oxe, fañaa o cofel ole, ndax kaa waagiro waas a pi ake Roog o ñufaa?

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

2 Sami’el 13:22

Absalom o mat layoogatee fa Amnon. Kaa sib’atun, yaam ne ta gigin’ina a Tamaar fee o cigeen um.

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

YEGIL MBAAX NE YEESU ne Saŋ a bindtuuna 11:52

Reeƭee koy soom yaam xeet fee, ndaa ndax xa ƥiy Roog axe pictoorna a nqurel, a ndefat xeet fa leng koŋ.

O leetar ole Pool a bindna GIMU WE NGENNA ROM 13:8

Kaam ee ba nu saqan o leng o lad, a refangeerna o lad olene: Mbexiryo a ndeer nuun! Oxuu fexna lakas we a naaga o fadnaa ke kebil ke a simitna fop.

Kolos 3:14

Kupu keene fop, mbapooryo o mbeq, yaam o mbeq refu ngumoor ne na ñaknaa a nuun sik.

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

1Saŋ 3:1

Ƭeetyo o mbeq o mbodu nqe Faap fee a lalna a in, boo i nqoyeel xa ƥiy Roog. No ndigil, i ndefaan itam. Adna fee andee a in, yaam ne ta andeerna a Roog.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.