1Saŋ 3:1 - NQAARIIT NE ROOG

¹ Ƭeetyo o mbeq o mbodu nqe Faap fee a lalna a in, boo i nqoyeel xa ƥiy Roog. No ndigil, i ndefaan itam. Adna fee andee a in, yaam ne ta andeerna a Roog.

1Saŋ 3:1 Referans Kwoze

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

2 Korint 6:18

Xam ref faap nuun, soo nu ndef xa ƥees, goor fo rew.» Keene o mat o Yaal oxe jegna katil a layu.

YEGIL MBAAX NE YEESU ne Saŋ a bindtuuna 17:25

Faap fa njofu fee, adna fee andirang, ndaa mi o mat, andaaxoong, too weeke a anda yee wo luliidaxam.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

Galati 3:29

Kiristaa a jegangaa a nuun koy, xa taan Abraham nu ndefu, too yaaga xan nu lam ke Abraham a regeena.

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

YEGIL MBAAX NE YEESU ne Saŋ a bindtuuna 16:3

O nanangaa da mbi’an koy, kaa andee a Faap fee, andiraam.

Kolos 3:3

yaam kaa nu nqon, soo o ñoow nuun a fokatel fa Kiristaa na Roog.

2 Sami’el 7:19

Ndaa sax, wo o Yaal oxe na refkaa boo faw, keene deyirang boo o fi’an ƥasil es a tegit alaa na fadnooxkaa no camaane miñu ke na ngaraa, soo doon teen yegnaam o ten, mi fee o tag of refna o kiin soom.

O leetar ole Pool a bindna GIMU WE NGENNA ROM 8:21

too xan pindel keene fa qoox den a mbatel na yastax ale, ndax da njeg a qoox den no ndam onqe xa ƥiy Roog a ndaawna.

Yeremi 3:19

O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.

A kim a tedu ke 31:19

Fat a ƭelem a naanax ake a muumat, den we na mbentaa o cofu xe a magnandax a maamu too a siban.

A cangatin ale 14:1

«Xa teɓandoong no Yaal oxe Roog nuun nu ndefu! Yaaga boog o xaaraand a jegangaa, ba nu ñaasoox, too ba nu nqanqoox no ƭuf itam.

YEGIL MBAAX NE YEESU ne Lik a bindtuuna 20:36

Mbaagkatee o nqon sax, yaam xan a nandat fo malaaka ke, soo a ndefat xa teɓandoong Roog, yaam ne da ndeefna na qontax ale.

YEGIL MBAAX NE YEESU ne Saŋ a bindtuuna 11:52

Reeƭee koy soom yaam xeet fee, ndaa ndax xa ƥiy Roog axe pictoorna a nqurel, a ndefat xeet fa leng koŋ.

YEGIL MBAAX NE YEESU ne Saŋ a bindtuuna 15:21

Gon es xan a tax da ndoon a nuun coono keene fop, yaam andee oxe luliidaxama.

O leetar ole Pool a bindna GIMU WE NGENNA ROM 8:19

Ke Roog a sakna fop a taya o nga yaa Roog a feeñilkaa xa ƥeem kam o ndam den.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

1Saŋ 3:10

Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.

1Saŋ 4:17

A soƥangaa yee o mbeq onqe a fadnooxa na in, xan i njeg njambaar na bes fee na hate fee na garaa, yaam o ñoow in na adna feeke kaa nand fo ole Yeesu Kiristaa.