1Saŋ 2:9 - NQAARIIT NE ROOG

⁹ Oxe na layaa yee: «Mexey kam a qoolaand ale», too fexee o pog um, a maada no niɓaan ole.

1Saŋ 2:9 Referans Kwoze

1Saŋ 4:20

O kiin a layangaa yee: «Fexaam a Roog», soo a sib o pog um, oxeene o maamaaɓ oo. Oxe waageerna o fex o pog um oxe ta ga’aa, nam a waagu o fexit a Roog fee ta ga’eerna?

1Saŋ 2:11

Kaa koy, oxe fexeerna o pog um, no niɓaan ole a refu. Kaa ñaaƴaa no niɓaan ole itam, too andee me ta jofaa, yaam o niɓaan ole kaa muur a kid um.

A kim a tedu ke 82:5

Kaa koy, nu andee tus, nu njegee yiif, kasaƥ-kasaƥnaa kam o niɓaan ole, boo a tax adna fee a nootoox.

2 Piyeer 1:9

Kaa koy, oxuu jegeerna a den, kaa nand fo o puul. Kaa ref oxaa o ga um a raƥna, ta weecit ee Roog a xooland’aan no pakaad um yaaga.

1Saŋ 2:4

Oxuu layna yee: «Andaanum», too gaykee kebil ke ten, oxeene kiin o maamaaɓ oo, too ndigil leng refee no ten.

1Saŋ 1:6

Yaaga koy, i naangangaa o layaa yee fo ten i mbogu, soo ñaaƴaa kam o niɓaan ole, kaa i maaɓaa, too ndigil refee no ke i mbi’aa.

YEGIL MBAAX NE YEESU ne Saŋ a bindtuuna 9:41

Yeesu a doona a den ee: «Mbuulaanaq-yiif a dam’angaa a nuun, nu njegkoogee bakaad. Kaa koy, nuun we layaa yee nu mbaaga a ka, ten taxu yoo, pakaad nuun a sax na nuun.»

A paɗax ale 19:17

Ba o leng a saqan o pog um o njaaku-kam, ndaa fat a asin. A fi’angiran, xan a gadoox tooñ um.

2 Sami’el 13:22

Absalom o mat layoogatee fa Amnon. Kaa sib’atun, yaam ne ta gigin’ina a Tamaar fee o cigeen um.

A pi ake 1:15

Na pe akaaga, Piyeer a inooxa a ndeer no fog olaa. Waa mbokatoor’ina a ndeeƭa ngap wiin teemeed fo wiin qarɓeen ƭik. Maaga, Piyeer a laya a den ee:

1Saŋ 3:10

Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.