1Saŋ 2:7 - NQAARIIT NE ROOG

⁷ Fog es we fexuuma, refee yee kebil nqas um bindaa a nuun, ndaa kebil ngiid naa nu njeg’ina, yaa nu eetna o ngim boo ndiik. Kebil ngiid neene refu fa lay fee nu nanna.

1Saŋ 2:7 Referans Kwoze

A paɗax ale 19:18

Ba nu ndabdinoox, too ba nu mbuuxan o pog nuun. Fat oxuu refna a fex o kend um nen a xoox um. Mi refu o Yaal oxe.

1Saŋ 3:11

Ke yegnit’eena fo ke nu nanna yaa fo mberaandoong naa, ten refu yee i mbara o mbexir.

1Saŋ 3:23

Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

A cangatin ale 6:5

Xan o fex o Yaal oxe Roog of no xeeñ of fop, no laaw of fop fo na doole of fop.

A paɗax ale 19:34

Fat nu mbesoor fo o gataakoon ole refna fa nuun nen o kentand nuun. Fat nu mbexin nen a qoox nuun. Fat nu mbetandoox ee nu mosa o ndef xa kataakoon no saax laa Misira. Mi refu o Yaal oxe Roog nuun.

1Saŋ 2:24

Yaasam fa lay fee nu nanna no mberaandoong naa a gen na nuun. Boo ke nu nanna no mberaandoong naa a maadna o genaa na nuun, xan nu ngen no Ƥeenqe fo na Faap fee.

Mace 5:43

«Nu nana ne ta layit’eena yee: ‹Fat o fex o kend of soo fañ o pañ of.›

A pi ake 17:19

Maaga, a nqoyaan ta yoon fa den maa no mal naa den mbokatoor’ina no mbiñ onqaa ne’eena Ariyopaas. A layaan ee: «Ndax i mbaaga o and a cangin a qas ale o laytaa?

YEGIL MBAAX NE YEESU ne Saŋ a bindtuuna 13:34

Mexe cooxaa a nuun kebil nqas: Fat nu mbexir! Kaam ee fat nu mbexrit, ne fextuuma a nuun.

Hebre 6:9

Kaa koy, nuun we fexuuma, kuu i laytaa layit neene fop oo, i njega a koolax tigi na nuun. I anda yee nuun we ndeefaa a ƭat a cofu le, refna ale na ɓisaa na muc ale.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

1Saŋ 3:21

Fog es we fexuuma, boo a qeeñ in a njambeerna a in, i njega njambaar mbaambir Roog.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

1Saŋ 4:7

Fog es we fexuuma, fat i mbexir, yaam o mbeq, na Roog a inooru. Oxuu jegna o mbeq, Roog rimun, too a anda a Roog.

1Saŋ 4:11

Fog es we fexuuma, Roog a fextangaa a in neene, i mbara o mbexir a ndeer in, in itam.

1Saŋ 4:21

O ten sax cooxu a in kebil nene: Oxuu fexna a Roog, fat a fex o pog um itam.