1Saŋ 2:6 - NQAARIIT NE ROOG

⁶ Oxe na layaa yee a foga fa Yeesu, a wara o ñaaƴtaa ne ta ñaaƴitna, ten fa xoox um.

1Saŋ 2:6 Referans Kwoze

1 Piyeer 2:21

No keene sax nu nqoyte, yaam Kiristaa itam a coono’a yaam nuun, too a xaƴana a nuun a lalgand, ndax nu ndeef o jaf um.

YEGIL MBAAX NE YEESU ne Saŋ a bindtuuna 13:15

Kaam halan a nuun a ƭat, ndax nu ndeef o jaf es, mbi’aa ne fi’anuuma a nuun.

1 Korint 11:1

Ndeefyo o jaf es, ne um reeftaa o jaf Kiristaa.

1Saŋ 3:6

Ten taxu, oxuu genna no ten saxkee no bakaadaa. Oxuu saxna no bakaadaa koy, ga’iran, too andiran.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Mace 11:29

Ngadooxyo kadoor ke cooxuuma a nuun, too njangit na mi, yaam kaam ɓuuɓ, too xeeñ es magnandooxee. Nu mbi’angaan, xan xa laaw nuun a ñootnoox.

1Saŋ 2:4

Oxuu layna yee: «Andaanum», too gaykee kebil ke ten, oxeene kiin o maamaaɓ oo, too ndigil leng refee no ten.

1Saŋ 2:28

Ndiiki koy, xa teɓandoong es, ngenyo no ten, ndax nu njeg njambaar, yaa ta feeñkaa, soo ñak o sed, yaa ta garkaa.

A kim a tedu ke 85:13

O Yaal oxe xan a ci’it paax kuu ndefna, lanq ke in a cooxit ke da mbatna.

YEGIL MBAAX NE YEESU ne Saŋ a bindtuuna 15:10

Nu naangangaa o ngayaa kebil ke mi, xan nu ngen no mbeq es, yaam neene o mat gaytum kebil Faap es boo gen no mbeq um.

1Saŋ 3:24

Oxuu na gayaa kebil ke ten, na Roog a genu, too Roog itam a gena no ten. Mene i anditkaa yee Roog a gena na in: A ci’a a in Yiif le ten.

1Saŋ 4:17

A soƥangaa yee o mbeq onqe a fadnooxa na in, xan i njeg njambaar na bes fee na hate fee na garaa, yaam o ñoow in na adna feeke kaa nand fo ole Yeesu Kiristaa.