1Saŋ 2:5 - NQAARIIT NE ROOG

⁵ Kaa koy, oxuu na gayaa fa lay um, o mbeq onqe Roog a fadnooxa no ten. I ngayangaan, maaga i anditkaa yee in wey no ten.

1Saŋ 2:5 Referans Kwoze

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

YEGIL MBAAX NE YEESU ne Saŋ a bindtuuna 14:21

Oxe na gayaa ke hebluuma, ten fexaxam, too fexaxama, xan Faap fee a fexin. Mi itam, xam fexin, too xam feeñlin oxe refuuma.»

YEGIL MBAAX NE YEESU ne Lik a bindtuuna 11:28

Maaga, Yeesu a doonaan ee: «We na nan-gilooxaa fa lay fee Roog, soo a ngayan kañ ƭaayu!»

1Saŋ 3:24

Oxuu na gayaa kebil ke ten, na Roog a genu, too Roog itam a gena no ten. Mene i anditkaa yee Roog a gena na in: A ci’a a in Yiif le ten.

A kim a tedu ke 119:2

Ndaw o ɗaay no we na ngayaa ngiɓoor um, soo a mbaaƭan fo a qeeñ den fop.

Mbeeñil 14:12

Ten taxu we mbogna na Roog, a ngeek kebil um, a ngim na Yeesu, a mbara o lalit o saƭkel.

1Saŋ 5:2

Mene i anditkaa yee i mbexa xa ƥiy axe Roog: Kaa i mbex a Roog, too ndeefaa kebil ke ten.

YEGIL MBAAX NE YEESU ne Saŋ a bindtuuna 15:5

Mi refu ndaxar ne, nu ndef xa par axe. Oxuu saxna na mi, um sax no ten, xan a saq xa tim xa mayu. Um refangee fa nuun, nu mbaagoodee dara.

Heseki’el 36:27

Xam ɓek Yiif es na nuun too xam fi boo nu ndeef kebil es, ngay bargal es.

1Saŋ 4:18

Caƭar refee kam o mbeq, ndaa o mbeq o ñaku sik kaa raxaa caƭar. Muu caƭar a refna, a qaw kaa foogooxeel, too oxe na saɗaraa, o mbeq um a jega sik.

A kim a tedu ke 119:146

Mexe ƴufginooxang, muclaam, ndax um reef fa lay of.

2 Korint 5:17

O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

Saak 2:22

Ga’aano: O ngim onqe Abraham fo a pi um kaa yoon, too o ngim um onqeene a fadnooxa yaam a pi ake yoonna fo ten.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

YEGIL MBAAX NE YEESU ne Saŋ a bindtuuna 6:56

Ñaamna cer es, a yer fo’oy es, xan a sax na mi, um sax no ten.

O baawaare xe 8:5

Oxe na reefaa kebil um jegkee naa feƭaruuna, too o cegu yiif oxe a anda bes fa mosu fo ke refna a ƭat,

A kim a tedu ke 106:3

We na ndeefaa a ƭat, a ngen no mbi’aa cofu, a ƭaaya.

Xa peƭit axe 8:32

«Ndiiki koy, xa ƥees, nan-gilooxaamoo! We na ndeefaa xa as es a ƭaaya!

A kim a tedu ke 119:4

Dalnaa bargal ke wo, ndax da ndeefel a paax.

Xa peƭit axe 28:7

Oxe na gayaa kebil ke kaa ref o ƥiy o njegu yiif, oxe na yoonaa fo laawooxu we mat a sednooraa a faap um.

A kim a tedu ke 105:45

ndax da ndeef bargal um, a ngay kebil um. Haleluyaa!

1Saŋ 4:17

A soƥangaa yee o mbeq onqe a fadnooxa na in, xan i njeg njambaar na bes fee na hate fee na garaa, yaam o ñoow in na adna feeke kaa nand fo ole Yeesu Kiristaa.

2Saŋ 1:6

O mbeq koy, refu ñoowtaa ne kebil ke Roog a dalinna meen a laytuuna. Keene, nu njangne o ten no mberaand naa, too nu mbariran o mbaas.