1Saŋ 2:25 - NQAARIIT NE ROOG

²⁵ Ke ta regna a in refu ndegit ne no ñoow o fagkeer ole.

1Saŋ 2:25 Referans Kwoze

YEGIL MBAAX NE YEESU ne Saŋ a bindtuuna 10:28

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

Tiit 3:7

ndax ne i njofandteena yirmande um, i mbaag o lam o ñoow o fagkeer ole i yaakaaraa.

Yudaa 1:21

Ndamooxyo kam o mbeq onqe Roog, ngen no cungaa yaa o Yaal in Yeesu Kiristaa kam o paaxel um a cooxkaa a nuun o ñoow o fagkeer ole.

1 Timote 6:12

Fat o gomrel ngomir mbaax ne o ngim a laamitna. Dami no ñoow o fagkeer ole taxna o xoyel, too o weejlitin o ngim of, wiin mayu a seede’in.

1Saŋ 1:2

Kaa i mbeeñlel o ñoow oleene, nga’anin a qoox in, too seede’in. O ñoow o fagkeer ole reeƭna paam Faap faa koy, too i mbeeñlel o ten, ten i yegnaa a nuun.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

YEGIL MBAAX NE YEESU ne Saŋ a bindtuuna 12:50

Andaam koy xil ee kebil um, o ñoow o fagkeer ole a ɓisiidaa. Ten taxu ke layuuma fop, ne Faap fee a laytaxama o ten, laytanum.»

YEGIL MBAAX NE YEESU ne Saŋ a bindtuuna 6:68

Simoŋ Piyeer a layaan ee: «O Yaal oxe, na an i njofkaa? Mee ndax wo saqu fa lay fee na ci’taa o ñoow o fagkeer ole!

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

1 Timote 6:19

Neene, xan a mbokatanaa a qoox den halal fa mbaax fa ndoone no saƭku yaam o feet, ndax da ndam no ñoow o ndiindigil ole.

YEGIL MBAAX NE YEESU ne Saŋ a bindtuuna 6:54

Oxuu ñaamna cer es, a yer fo’oy es, a jega o ñoow o fagkeer ole, too na bes fa mbalakaand faa xam xontooxnoorin.

YEGIL MBAAX NE YEESU ne Saŋ a bindtuuna 6:47

No ndigil, no ndigil, mexe layaa a nuun ee: Oxuu gimna na mi, a jega o ñoow o fagkeer ole.

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

YEGIL MBAAX NE YEESU ne Lik a bindtuuna 18:30

too daawkee na adna feeke kupu ke ta jeg’ina, soo o ñoow o fagkeer ole a doonoox na jamaane fee na garaa.»

Dañel 12:2

Mayu no we na ƭaanaa kam lanq ke xan a yokoox, leng we a ndet no ñoow o fagkeer olaa, lakas we a ndet na gaci faa, a sibdel boo faw.

1 Timote 1:16

Kaa koy, ne laytanuuma, kaam daaw yirmande, ndax Kiristaa Yeesu a eet o laltit na mi o muñ um fop. Neene, xam ref o ɗeendoor mbaambir no we na ngimkaa no ten, ndax da njeg o ñoow o fagkeer ole.

Galati 6:8

A soƥangaa yee kaa duufaa ke cer um a yaawaa, fa nqon rek a xotitkaa teen, ndaa koy boo ta duufaa ke Yiif le Roog a bugna, o ñoow o fagkeer ole a saxadkaa.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

YEGIL MBAAX NE YEESU ne Saŋ a bindtuuna 3:15

ndax oxuu gimna no Ƥeenqe a jeg o ñoow o fagkeer ole.

YEGIL MBAAX NE YEESU ne Saŋ a bindtuuna 6:40

Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»