1Saŋ 2:24 - NQAARIIT NE ROOG

²⁴ Yaasam fa lay fee nu nanna no mberaandoong naa a gen na nuun. Boo ke nu nanna no mberaandoong naa a maadna o genaa na nuun, xan nu ngen no Ƥeenqe fo na Faap fee.

1Saŋ 2:24 Referans Kwoze

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

1Saŋ 4:13

Mene i anditkaa yee i ngena no ten, ta gen na in: A ci’a a in Yiif um.

1Saŋ 4:16

In o mat, i anda ne Roog a fexitna a in, too i ngimaan. Roog o mbeq oo. Oxe genna no mbeq, na Roog a genu, too Roog itam, no ten a genu.

Mbeeñil 3:3

Wetandooxi boog ne daawtoona fo ne nantoona fa lay fee Roog. Gayeen, too fes pakaad of a cinj. O yokooxangee, xam gar nen o kuuɗ. Xam yen took of na waxtu faa foogooxkeeraxamoona.

1Saŋ 2:7

Fog es we fexuuma, refee yee kebil nqas um bindaa a nuun, ndaa kebil ngiid naa nu njeg’ina, yaa nu eetna o ngim boo ndiik. Kebil ngiid neene refu fa lay fee nu nanna.

1Saŋ 1:3

Mexe dakooxan o lay a nuun ee: Ke i nga’na, nanin, i yegnaa a nuun, ndax nu mbog fa in, ne i mbogitna fa Faap fee, mbogit neen fa Yeesu Kiristaa fee refna o Ƥeem.

YEGIL MBAAX NE YEESU ne Saŋ a bindtuuna 15:7

Nu saxangaa na mi, fa lay es a gen na nuun, nu mbaaga o nqeɗ kuu nu mbugna, too xan nu ci’el o ten.

Mbeeñil 3:11

Mexe garaa no miñeer! Pokooxi ke jegoona, ndax o leng jangkee o ndip onqe daawtoona no njom ne.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

A kim a tedu ke 119:11

Kaam migin xa ñuxur of no xeeñ es, ndax tooñkiroong.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

Filip 4:15

Nuun Fiifilip we, nu anda sax tigi yee, ye Yegil mbaax ne a sogeena o waare boo um ret Makedoni, mbokatax no gimu leng sax cooxiraam ƭaxir soxla, a refangee ne nuun.

3Saŋ 1:3

Kaam jeg o ɗaay lool, yaam ye we ngar’ina saax nuun a ngatna, a mbetandooxaxam ndigil ne o ñaaƴnaa, too ta sax na wo itam.

2Saŋ 1:2

Ndigil neene oxe na in, too na in a genkaa boo faw.

Hebre 2:1

Ten taxu i ngela o ndamloox a paax no tigil ke i nanna, ndax i saƭtirkee fa den, soo mo.

YEGIL MBAAX NE YEESU ne Saŋ a bindtuuna 8:25

A laamtaan ee: «Wo refu an?» Yeesu a doona yee: «Oxe um layaa a nuun no mberaand naa boo ndiik.

YEGIL MBAAX NE YEESU ne Lik a bindtuuna 1:2

a reefandel no ke we seede’uuna no mberaand naa a ndaawinna a in, den we ndefatna we na yegnitaa fa Lay fee Roog.

Xa peƭit axe 23:23

Jiki ndigil ne, too ba o jikooxin, ten fo o jeg-yiif fo a cangin fo o ƴiƴ.

YEGIL MBAAX NE YEESU ne Lik a bindtuuna 9:44

«Fat xa ƭelem axene a ndok no nof nuun a paax: O Ƥeenqe no kiin oxe a wara o ɓoxotel a ndeer xa ƥay axe no wiin we.»

YEGIL MBAAX NE YEESU ne Saŋ a bindtuuna 6:56

Ñaamna cer es, a yer fo’oy es, xan a sax na mi, um sax no ten.

1Saŋ 3:24

Oxuu na gayaa kebil ke ten, na Roog a genu, too Roog itam a gena no ten. Mene i anditkaa yee Roog a gena na in: A ci’a a in Yiif le ten.

1Saŋ 4:15

Oxe jaɓna o weejil ee Yeesu o Ƥeenqe Roog oo, Roog a gena no xeene kiin, too ten itam, oxe na Roog.

2Saŋ 1:9

Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.