1Saŋ 2:23 - NQAARIIT NE ROOG

²³ Oxuu xañna o Ƥeenqe, jaɓee a Roog Faap fee itam. Oxuu na weejlaa yee a gima no Ƥeenqe, a jega a Faap fee itam.

1Saŋ 2:23 Referans Kwoze

1Saŋ 4:15

Oxe jaɓna o weejil ee Yeesu o Ƥeenqe Roog oo, Roog a gena no xeene kiin, too ten itam, oxe na Roog.

YEGIL MBAAX NE YEESU ne Saŋ a bindtuuna 8:19

A laamtaan ee: «Taa faap of?» Yeesu a doona yee: «Nu andiraam, nu andee a Faap es. E, yaam nu and’angaam, nu andkooga a Faap es.»

YEGIL MBAAX NE YEESU ne Saŋ a bindtuuna 10:30

Mi fa Faap fee o leng i ndefu.»

YEGIL MBAAX NE YEESU ne Saŋ a bindtuuna 5:23

ndax fop a niwit o Ƥeenqe ne da niwitna a Faap fee. Oxe niweerna o Ƥeenqe, niwee a Faap fee luliiduuna.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

YEGIL MBAAX NE YEESU ne Lik a bindtuuna 10:22

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.»

Mace 11:27

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.

1Saŋ 2:22

An refu o maamaaɓ koy? Ten refu o podandoor oxe na xañaa yee Yeesu refu Kiristaa fee, o Muumucil oxe regteena. O maamaaɓ oxeene refu o podandoor oxe Kiristaa na xañaa a Faap fee fo o Ƥeenqe.

YEGIL MBAAX NE YEESU ne Saŋ a bindtuuna 16:3

O nanangaa da mbi’an koy, kaa andee a Faap fee, andiraam.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

1Saŋ 4:2

Mene i anditkaa Yiif le Roog: Yiif luu jaɓna o weejil a Yeesu Kiristaa fee ceroox’ina, na Roog a inooru.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.