1Saŋ 2:22 - NQAARIIT NE ROOG

²² An refu o maamaaɓ koy? Ten refu o podandoor oxe na xañaa yee Yeesu refu Kiristaa fee, o Muumucil oxe regteena. O maamaaɓ oxeene refu o podandoor oxe Kiristaa na xañaa a Faap fee fo o Ƥeenqe.

1Saŋ 2:22 Referans Kwoze

2Saŋ 1:7

Nu mbootoox koy, yaam kaa jeg mayu waa ndefatna na adna fee, a naxaa wiin we. Weene mbeejlee yee Yeesu Kiristaa a cerooxa, ye ta garna na adna fee, a ñoowaa nen o kiin. Oxuu na fi’aa keene, kaa naxiid wiin we, too o Mbodandoor-Kiristaa yoo.

1Saŋ 4:3

Kaa koy, yiif luu jaɓeerna o weejlit a Yeesu neene, inooree na Roog, too o Mbodandoor-Kiristaa yoo. Nu nan’a yee xan o podandoor oxeene a gar, too oxey kam adna fee ndiiki sax.

1Saŋ 2:18

Xa teɓandoong es, waxtu fa mbalakaand fee yoo. Ne nu nanitna yee o Mbodandoor-Kiristaa xe garaa, a jega ndiiki sax fo Mbodandoor-Kiristaa fo mayu. No keene i andtu yee waxtu fa mbalakaand fee a fadiida.

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

1Saŋ 4:20

O kiin a layangaa yee: «Fexaam a Roog», soo a sib o pog um, oxeene o maamaaɓ oo. Oxe waageerna o fex o pog um oxe ta ga’aa, nam a waagu o fexit a Roog fee ta ga’eerna?

1Saŋ 2:23

Oxuu xañna o Ƥeenqe, jaɓee a Roog Faap fee itam. Oxuu na weejlaa yee a gima no Ƥeenqe, a jega a Faap fee itam.

1Saŋ 1:6

Yaaga koy, i naangangaa o layaa yee fo ten i mbogu, soo ñaaƴaa kam o niɓaan ole, kaa i maaɓaa, too ndigil refee no ke i mbi’aa.

1Saŋ 2:4

Oxuu layna yee: «Andaanum», too gaykee kebil ke ten, oxeene kiin o maamaaɓ oo, too ndigil leng refee no ten.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Mbeeñil 3:9

Keeke refu ke um fi’kaa we mbogna no mbind a qeƭ ne Saytaane. Xam cooxong maamaaɓ weene na layooxaa Yaawuur, too ndefiran. Xam ser a den da ngar me wo, a ngooknoox na caf of, too a ƥoxotong tedaanga. Neene, xan da and ee fexaaxoong.

Mace 24:5

yaam xan wiin mayu a ngar, a ne’ooxaa gon es, too xan a lay ee: ‹Mi refu Kiristaa fee o Muumucil oxe regteena.› Maaga, xan a nax wiin mayu.

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.