1Saŋ 2:20 - NQAARIIT NE ROOG

²⁰ No ke farna na nuun koy, o Tedu xe a daawna a nuun Yiif um, too nuun fop, nu njega o and.

1Saŋ 2:20 Referans Kwoze

YEGIL MBAAX NE YEESU ne Saŋ a bindtuuna 14:26

Kaa koy, boo o Yaayaal oxe, refna ref Yiif Tedu le Faap fee a luliidkaa no gon es a garna, xan a jangin a nuun fop, a wetand a nuun fop ke layuuma a nuun.

1Saŋ 2:27

Nuun o mat, Yiif le nu ndaawitna no ten a gena fa nuun, too nu soxla’ee o lakas a jangnaa a nuun. Kaa koy, ne Yiif le ten a jangnitaa a nuun ke refna ndigil fop, too jegee o maaɓ o leng, ngenyo no ten, ne ta jangnituuna a nuun.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

Xa peƭit axe 28:5

Wiin faaxeer we andee ke jofna, we na mbaaƭaa o Yaal oxe mat a anda fop.

A kim a tedu ke 23:5

Kaa o diƈanaxam ñaamel na kid no fañ es, dalnaxam a paax, yaa o sulaxam diwliin no xoox soo cooxaxam a tokol alaa naagna muut boo a ɓaxooxaa.

YEGIL MBAAX NE YEESU ne Saŋ a bindtuuna 16:13

Kaa koy, yaa Yiif le Roog saqna ndigil ne a garkaa, xan a ɗox a nuun no ndigil ne fop, yaam layitkee a xoox um, ndaa ke ta nanna rek, too xan a yegin a nuun kaa fadiidafuleerna.

Hebre 1:9

Cofu soom bugo, too sibaa paaxeer, ten taxu Roog fee refna Roog of, a ɗuumaang diwliin fa ndodir, a mayƭandong fo o ɗaay ye ta jiloonga a ndeer no gend of.»

1Saŋ 4:13

Mene i anditkaa yee i ngena no ten, ta gen na in: A ci’a a in Yiif um.

A kim a tedu ke 45:7

Uum-maamaad le wo de Roog xan a ref boo faw, o cofel rek o maadooritkaa maat ne wo.

A pi ake 3:14

Kaa nu nqañ o Tedu xe refna ref o Cofu xe, soo nqeɗ a Pilaat ta watan a nuun o baawar.

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

Mark 1:24

a lay ee: «Yeesu o Naanasaret oxe, xar i nqetu? Ndax kaa o saŋkiid a in? Andaam oxe refoona: Wo refu o Tedu xe hatna na Roog.»

A kim a tedu ke 92:10

Fañ we wo o mat, o Yaal oxe, kaam ee fañ we wo o mat xan a saŋkoox, fiifi paaxeer we fop a pasaroox.

A kim a tedu ke 71:22

Maaga, xam simatang, yoonandtin riiti, gimaa ngor of, wo Roog es, xilmbanang, wo o Tedu xe Isra’el.

Mbeeñil 4:8

Pindel nahik keene fop koy, oxuu refna na den a nafir ɓetaa fo leng a sax’u. Muu refna na nafir akeene kaa sax’u a kid, took fee fo yoora fee. Ñaal fo o yeng mbindel nuu refna kaa gimoogu yee: «O Yaal oxe Roog o Cegu katil oxe reeƭna fo xe na maadaa fo xe na garaa, kaa ted! Kaa ted! Kaa ted!»

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

Hebre 8:11

O leng na den soxla’katee o jangnaa o kend um mbaat ta layaa o pog um ee: Andi o Yaal oxe. Yaam fop xan a andaam, no ke xotitna no xe moƴna o neew boo no xe moƴna o maak,

1 Korint 2:15

Oxe jegna Yiif le Roog a waaga o gaal fop, too o leng gaalkee kam um, a ɓanjin,

YEGIL MBAAX NE YEESU ne Lik a bindtuuna 4:34

«Heey Yeesu o Naanasaret oxe, xar i nqetu? Ndax kaa o saŋkiid a in? Andaam oxe refoona: Wo refu o Tedu xe hatna na Roog.»

Esayi 43:3

yaam mi refu o Yaal oxe Roog of, o Tedu xe Isra’el, refna o Muumucil of. Xam cooxit a Misira ta ref a bateer of, Kuus fa Seeba a softel a wo.

A kim a tedu ke 16:10

yaam xaƴkiro o laaw es ta mooc kam jaaniif, too xaƴkiraamo, mi fee o cofu xe wo, fa nqon a jengaam.

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

Mace 13:11

Yeesu a doona a den ee: «Kaa nu ci’el o and kunpa ke no Maat ne na asamaan, ndaa den o mat ci’aand o ten.

Yudaa 1:5

Kaam bug o wetand a nuun, nuun we andna kene a paax ee: O Yaal oxe, cinj ye ta mucilna xeet fee Isra’el boo a sutin Misira, a saŋik’a wiin gimaƭaru we.

A paɗax ale 7:35

A las akeene mbatniteena no sadax ke ƥoxoteena o Yaal oxe, Aaroon fo xa ƥeem na njegkan, no ke xotitna yaa da ndalneena kam calel ke no Yaal oxe nen saasadax.