1Saŋ 2:18 - NQAARIIT NE ROOG

¹⁸ Xa teɓandoong es, waxtu fa mbalakaand fee yoo. Ne nu nanitna yee o Mbodandoor-Kiristaa xe garaa, a jega ndiiki sax fo Mbodandoor-Kiristaa fo mayu. No keene i andtu yee waxtu fa mbalakaand fee a fadiida.

1Saŋ 2:18 Referans Kwoze

1Saŋ 4:3

Kaa koy, yiif luu jaɓeerna o weejlit a Yeesu neene, inooree na Roog, too o Mbodandoor-Kiristaa yoo. Nu nan’a yee xan o podandoor oxeene a gar, too oxey kam adna fee ndiiki sax.

2Saŋ 1:7

Nu mbootoox koy, yaam kaa jeg mayu waa ndefatna na adna fee, a naxaa wiin we. Weene mbeejlee yee Yeesu Kiristaa a cerooxa, ye ta garna na adna fee, a ñoowaa nen o kiin. Oxuu na fi’aa keene, kaa naxiid wiin we, too o Mbodandoor-Kiristaa yoo.

1Saŋ 2:22

An refu o maamaaɓ koy? Ten refu o podandoor oxe na xañaa yee Yeesu refu Kiristaa fee, o Muumucil oxe regteena. O maamaaɓ oxeene refu o podandoor oxe Kiristaa na xañaa a Faap fee fo o Ƥeenqe.

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Mace 24:5

yaam xan wiin mayu a ngar, a ne’ooxaa gon es, too xan a lay ee: ‹Mi refu Kiristaa fee o Muumucil oxe regteena.› Maaga, xan a nax wiin mayu.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

Mark 13:6

yaam xan wiin mayu a ngar, a ne’ooxaa gon es, too xan a lay ee: ‹Mi refun.› Maaga, xan a nax wiin mayu.

2 Piyeer 2:1

No camaane ke mbaafna, a jeg’a duleer maamaaɓ a ndeer xeet fee. Neene itam, xan a jeg a ndeer nuun jaajangin maamaaɓ waa na ƥisiidkaa a cangin a paaxeer akaa na yaqkaa o ñoow ole no wiin we, a nqañaa o Yaal oxe mucilna a den no pakaad den. Yaam ke da mbi’aa fop, a qaw a maak xan a gar took den, a saŋik a den no miñeer.

Mace 24:11

Xan a jeg duleer maamaaɓ mayu waa ngarna, too xan a nax wiin mayu.

Yudaa 1:18

A layooga a nuun ee: «Na jamaane fa mbalakaand fee, xan a jeg xaaxaadnax waa na mbugko ñaaƴaa kam a yaaw a cofaƭaru den.»

2 Piyeer 3:3

Fat nu eet o and ee no ñaal palakaand ke, xan a jeg xaaxaadnax waa na mbugko ñaaƴaa na yaaw a paaxeer ake den. Xan a njeeraa a nuun,

Hebre 1:2

ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.

1 Piyeer 1:20

Roog kaa jil’un yaaga adna sakafulaand, soo a feeñlanin a nuun ndiiki na jamaane fa mbalakaand fee.

1 Piyeer 1:5

Yaam na pexey o ngim nuun, Roog kaa saytoortaa a nuun katil um boo yaa nu ndaawkaa a muc ale jagandeena, too a nar o feeñ na jamaane fa mbalakaand fee.

YEGIL MBAAX NE YEESU ne Saŋ a bindtuuna 21:5

Yeesu a laya a den ee: «Xa koor, kaa nu njegee kaa nu ñaamna?» A ndoona yee: «Ha’aa.»

O leetar ole Pool a bindna GIMU WE NGENNA ROM 13:11

Mbi’yo neene boog, too kaa jolna keene sax, nu anda me jamaane fee a tolooxna. Waxtu fee nu mbarna o yokoox a fadiida. A muc ale a moƴa o matiid a in ndiiki ee ne i ngimit’uuna yaaga.

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.