1Saŋ 2:17 - NQAARIIT NE ROOG

¹⁷ Adna feene koy fo a yaaw um, kaa mbaafaa, ndaa oxe na fi’aa ke Faap fee a bugna, xan a maadaa boo kili.

1Saŋ 2:17 Referans Kwoze

Mace 24:35

Xan asamaan fo lanq a mbaaf, ndaa fa lay es faafkee boo muk.»

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

1 Korint 7:31

we na njiriiñooraa tig adna, nen waa njiriiñooreeruuna, yaam kaa ke na adna feeke a ref a liim.

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.

Hebre 10:36

Kaa nu mbar o saƭik kañ, ndax nu mbadin o bug ole Roog soo mbaag o ndaaw ke ta regitna,

Mark 3:35

Yaam oxuu na fi’aa ke Roog a bugna, oxaaga o ndeɓ es o ngoor oo, o ndeɓ es o ndew oo, ya es oo.»

1 Piyeer 1:5

Yaam na pexey o ngim nuun, Roog kaa saytoortaa a nuun katil um boo yaa nu ndaawkaa a muc ale jagandeena, too a nar o feeñ na jamaane fa mbalakaand fee.

1 Tesalonik 4:3

Ke Roog a bugna kañ refu nu ted, too nu mbootoox ceeq.

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

A kim a tedu ke 143:10

Aqatinaam um fi’aa ke feloonga, yaam wo refu Roog es. Fat Yiif faaxu le wo a ɗoxaam no lanq podru.

Mace 7:21

«No we na layaxam ee ‹O Yaal oxe! O Yaal oxe!› a jega waa ndokkeerna kam Maat ne na asamaan. Oxe na fi’aa ke Faap es fee na asamaan a bugna soom na rokkaa teen.

Saak 4:14

Nuun we na laytaa naaga, ndax nu anda ke na xewkaa o feet? Kaa nu ndef nen liim: Njeeƈ ne a xawangaan ta sam.

YEGIL MBAAX NE YEESU ne Saŋ a bindtuuna 6:58

Oxene mat refu mbuuru ne fudoorna na asamaan. Refitkee nen daan we nuun ñaam’ina maan, too yaqanee da nqon. Oxuu ñaamna no mbuuru neeke koy, xan a ñoowaa boo faw.»

Mace 21:31

An no ɗik waaga fi’u ke faap um a bugna?» A ndoonaan ee: «O eetaand oxe.» Maaga, Yeesu a doona a den ee: «No ndigil, mexe layaa a nuun ee: We na ndabdinooxaa juuti fo we na seeqaa, xan a adoox a nuun no Maat naa Roog.

1 Tesalonik 5:18

no kuu ta waagna waag o ref, ngidimyo a Roog, yaam keene Roog a cungaa na nuun, yaam ne nu mbogna fa Kiristaa Yeesu.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

Xa peƭit axe 10:25

A und ale oxaay waanaa o soxodu xe a mooc, o cofu xe mat a per ake ten kaa ndef boo faw.

Kolos 1:9

Ten taxu in itam, no kaa xotitna na koom alaa i layeena paru na nuun, i nqeɗanaa a nuun a Roog, ndekan a nuun xa ƥay, ndax ta yip na nuun o and o deyu sik, nu mbaag o njekit ke ta bugna, ta yoon fo yiif fo o and no tig Roog.

YEGIL MBAAX NE YEESU ne Saŋ a bindtuuna 7:17

Oxuu bugna o fi ke Roog a bugna, xan a and ndax a cangin ale mi na Roog a hatu ndax nam, ndi mi na kañaa kañ a xoox es.

A kim a tedu ke 90:9

Fuux le wo kaa iroox took in na pe in fop, xa kiid in a muukooxaa nen ngatandax.

A kim a tedu ke 39:6

Ga’aano, danqaxamo a pe a leng-leng, too onqe waruuma o ñoow jaakee dara mbaambir of. O kiin oxe nqeñ soom a refu kuu ta saƭikna saƭik fop oo. A maaf

A kim a tedu ke 102:26

Yaa sakoona lanq ke, a miña lool, too wo bindtu asamaan fee xa ƥay of.