1Saŋ 2:16 - NQAARIIT NE ROOG

¹⁶ Ke cer ke fo a kid ake a yaawaa, a magnandax yaam kalal adna, tig adna yoo. Keene fop koy, inooree na Faap fee, ndaa na adna fee a inooru.

1Saŋ 2:16 Referans Kwoze

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

Galati 5:17

Ke cer ke nuun a yaawaa fogree fo ke Yiif le Roog a bugna, too ke Yiif le Roog a bugna a guutatira fo ke cer ke nuun a yaawaa. Mbaagraƭar neene refna a ndeer ke cer ke a yaawaa fo ke Yiif le Roog a bugna taxu nu naangee o mbi’aa ke nu mbugkoogna o mbi,

Mberaand 3:6

O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

Xa peƭit axe 27:20

A semb ale jaaniif waagee may, a ngid no kiin a deyƭoox ne’aand.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

Saak 3:15

O jeg-yiif oleene, na adna fee a hatu, too yiif le refna no ten refee Yiif le Roog, yiif jini yoo.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

2 Piyeer 2:10

We na ndeefaa paaxeer ke cer den a yaawaa, Roog a moƴkaa o xaw, den we saɗareerna katil um. Jaajangin maamaaɓ weene mbitee dara. Kaa nduqwaƭar, too saɗaree o mben we njegna o ndam na asamaan sax.

Yosuwe 7:21

kaam ga’’u no cangale ke sabadoor mosu naa inoorna Sine’aar fo xa monjong teemeed ƭik xaaliis fa nqoolu fo muul wurus laa o meɗel um a fi’na liibar, yaaw a den lool soo xot a den. Ndiiki koy, owaay ɗasnuuma, gas a den ndeer ee ndeer ƭiif es, xaaliis fee a adoox.»

Tiit 2:12

Kaa jangnaa a in, i mbaas njofaƭar fo a yuxum tig adna. Kaa jangnaa a in itam, i mbañ o ngupal, ñoowaa no cofel fo no gon Roog na jamaane fee ndiiki,

A kim a tedu ke 78:18

A ƭeetlooxa a Roog na qeeñ den, a laamit ñaamel kaa da sooɓeena.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

1 Piyeer 1:14

Nen xa teɓandoong Roog axaa nananuuna, ba nu ndeefan a yaaw ake nu njeg’ina yaaga, ye nu njeg’afuleerna o and.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Mace 5:28

Mi o mat, mexe layaa a nuun ee: Oxuu na ɗeetaa o tew boo a yaawin, a seeqa fo ten no xeeñ um boo a ƴut.

A kim a tedu ke 73:6

Ten taxu a magnandax a mbi’u ceen o cok, a ƭom-yedar a ref ndobin naa da ndokooxaa.

Ke bindeena no xe ne’eena YOB 31:1

Kaam xañit’u a kid es da ƭeet o toog boo a yuxmin.

YEGIL MBAAX NE YEESU ne Lik a bindtuuna 4:5

O ƈiƴ oxe a ɓisaan took, ndeer ñaf fo ƭeet a lalaan maat ke ndefna na adna fee fop,

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

A lim ale 11:4

Wiin jaree tus waa mbog’eerna no Ii-isra’el we too a ndeeƭu a ndeer den, a maya fo a yaaw boo Ii-isra’el we sax a ndefahin no loolaa, a layaa yee: «A tegeƴ i mbugu!

Mace 4:8

O ƈiƴ oxe a dakooxaan o ɓis took o joong o jigdu lool, a lalin maat ke ndefna na adna fee fo kalal ke den fop,

A kim a tedu ke 78:30

Kaa koy, sooɓ den wat’afulee, too ye da maadna o logaa ñaamel den,

A lim ale 11:34

O mbiñ onqaaga a ne’’ate Qibroot-Hatawa, tekitna «poy ke na yaaw ale», yaam maaga wiin we na xeet fee a yuxum den a adin’ina, a ngas’e.

Xa peƭit axe 6:25

Ba o yaawin yaam o mosel um, too ba o jaɓ ta naxtong o ɗeet um,

1 Korint 10:6

O nanangaa keene a xew, in o mat taxun, ndax i njegkee a yuxum a paaxeer nen a den.

Mberaand 6:2

xa ƥiy xa koor axe Roog a nga’a yee xa ƥiy xa tew axe no wiin we a mosa lool, a ndalfooxa o njil na xa ƥiy xa tew axeene rew, a ngilig a den.

Dañel 4:30

Ndak fo ndak, fa lay faaga a fadnooxa. Nebukadnesaar a raxte a ndeer no wiin we, a ñoowtataa daaƭ nen qoox ke, soo liim le a yenaa took um. Wiil um kaa jigid’atu boo nen a naf a canjiik, soo paambaañ um a njigdit nen paambaañ ndiiƭ.

Saak 4:16

Kaa koy, nu naangee o layaa keene, kaa nu magnandooxaa, niwooxaa na fa lay. Keene faaxee,