1Saŋ 2:15 - NQAARIIT NE ROOG

¹⁵ Ba nu mbex adna fee mbaat tig adna. O kiin a fexangaa adna fee, o mbeq onqe na Faap fee refee no ten.

1Saŋ 2:15 Referans Kwoze

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

YEGIL MBAAX NE YEESU ne Lik a bindtuuna 16:13

Surga fa leng waagee o dagoox yaal ɗik, yaam yaaga xan a fex oxene, soo a fañ oxaana mbaat ta damoox no xene, soo a sib oxe yoqna. Nu mbaagee o mbug o ndagoox a Roog, soo mbug o ndagoox Xaaliis.»

YEGIL MBAAX NE YEESU ne Saŋ a bindtuuna 15:19

Nu mbog’angaa na adna, a fexkooga a nuun, yaam ke fogna fo ten rek a fexu, ndaa koy feek nu mbogee no ten, ndoon teen um jil a nuun, xan a sib a nuun.

1Saŋ 3:17

O kiin a jegangaa kalal adna, too a ga o pog um a ref na soxla, soo ta ɓalgin laaw um, nam o mbeq onqe Roog a gentu no ten?

1 Timote 6:10

No fex xaaliis, paaxeer kuu ndefna a ngataa. A jega koy waa andoona yee owaa njegan, a ngoƭ o ngim onqe, soo a yenan a qoox den no coono kaa o leng a saɗeerna o ga.

Galati 1:10

Ndiiki koy, kaa felna wiin we um waaƭaa ndi kaa felna a Roog? Kaam ee ndax kaam waaƭaa o fel wiin we? Um maad’angaa o felaa wiin we, refkoogiim o paɗ Kiristaa.

1Saŋ 4:5

Den koy, na adna fee a mbogu, ten taxu da laytaa nen wiin adna, too wiin adna we kaa nan-gilooxaa a den.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

1Saŋ 5:10

Oxe gimna no Ƥeenqe Roog, a jega seede feene kam um. Oxe gimeerna na Roog, a fi’aan o maamaaɓ, yaam gimee seede fee Roog a seede’anna o Ƥeem.

Mace 4:8

O ƈiƴ oxe a dakooxaan o ɓis took o joong o jigdu lool, a lalin maat ke ndefna na adna fee fo kalal ke den fop,

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.