1Saŋ 2:14 - NQAARIIT NE ROOG

¹⁴ Nuun xa teɓandoong axe, bindaam a nuun yaam nu anda a Faap fee. Nuun paap ke, bindaam a nuun yaam nu anda oxe refna yaa fo mberaandoong naa. Nuun xa pes axe, bindaam a nuun yaam nu njega doole, fa lay fee Roog na nuun a genu, too nu maafa o paaxeer oxe.

1Saŋ 2:14 Referans Kwoze

A kim a tedu ke 119:11

Kaam migin xa ñuxur of no xeeñ es, ndax tooñkiroong.

1Saŋ 2:13

Nuun paap ke, mexe bindaa a nuun yaam nu anda oxe refna yaa fo mberaandoong naa. Nuun xa pes axe, mexe bindaa a nuun yaam nu maafa o paaxeer oxe.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

YEGIL MBAAX NE YEESU ne Saŋ a bindtuuna 15:7

Nu saxangaa na mi, fa lay es a gen na nuun, nu mbaaga o nqeɗ kuu nu mbugna, too xan nu ci’el o ten.

Efees 6:10

Ndiiki koy, ne nu mbogna no Yaal oxe, mbaaƭityo no ten doole nuun, too ndokoox katil magnu ne ten.

YEGIL MBAAX NE YEESU ne Saŋ a bindtuuna 8:31

Yeesu a laya Yaawuur we ngimatna no ten ee: «Nu ngenangaa na fa lay es, daalbe es tigi nu ndefu.

YEGIL MBAAX NE YEESU ne Saŋ a bindtuuna 5:38

too fa lay um genee na nuun, yaam nu ngimee no xe ta luliidna.

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

3Saŋ 1:3

Kaam jeg o ɗaay lool, yaam ye we ngar’ina saax nuun a ngatna, a mbetandooxaxam ndigil ne o ñaaƴnaa, too ta sax na wo itam.

2Saŋ 1:2

Ndigil neene oxe na in, too na in a genkaa boo faw.

Hebre 8:10

A doona teen ee: Keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Xam ref Roog den, da ndefat xeet es.

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

2 Timote 2:1

Wo o mat o ƥees, fapoori yirmande fee refna na Kiristaa Yeesu.

Filip 4:13

Waagaam fop yaam oxe na dif’axam.

Mbeeñil 2:3

Andaam itam ee saƭkaa. Xijaa yaam gon es, too dakooxiro a cinj.

1Saŋ 1:10

Boo i layna yee i naangee o mbakaadaa, kaa i maaɓnan, too fa lay um refee na in.

YEGIL MBAAX NE YEESU ne Saŋ a bindtuuna 8:37

Andaam xil ee xa taan Abraham nu ndefu, ndaa kaa nu mbaaƭaa maa nu njangitna o ñis es, yaam nu mbugee o njaɓ ke um jangnaa.

1Saŋ 1:1

In we mbindaa a nuun no kaa farna no kaa reeƭna no mberaand naa, ta ref fa lay fee no ñoow ole. Kaa i nanin, nga’in fo a kid in, ngorooxin, soo nduqin fo xa ƥay in.