1Saŋ 2:13 - NQAARIIT NE ROOG

¹³ Nuun paap ke, mexe bindaa a nuun yaam nu anda oxe refna yaa fo mberaandoong naa. Nuun xa pes axe, mexe bindaa a nuun yaam nu maafa o paaxeer oxe.

1Saŋ 2:13 Referans Kwoze

YEGIL MBAAX NE YEESU ne Saŋ a bindtuuna 14:7

Nu and’angaam, nu andkooga itam a Faap es. No ke xotitna ndiiki koy, nu andaan, too nu nga’aan.»

1Saŋ 2:14

Nuun xa teɓandoong axe, bindaam a nuun yaam nu anda a Faap fee. Nuun paap ke, bindaam a nuun yaam nu anda oxe refna yaa fo mberaandoong naa. Nuun xa pes axe, bindaam a nuun yaam nu njega doole, fa lay fee Roog na nuun a genu, too nu maafa o paaxeer oxe.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

1Saŋ 1:1

In we mbindaa a nuun no kaa farna no kaa reeƭna no mberaand naa, ta ref fa lay fee no ñoow ole. Kaa i nanin, nga’in fo a kid in, ngorooxin, soo nduqin fo xa ƥay in.

YEGIL MBAAX NE YEESU ne Lik a bindtuuna 10:22

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.»

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

1Saŋ 5:18

I anda yee oxuu Roog a rimna genkee na bakaad. Oxe Roog a rimna kaa damooxaa, too o paaxeer oxe duqkiran.

1Saŋ 3:12

Ba i nand fa Kayin fee fog’ina no paaxeer oxe, boo a xiris o ndeɓ um. Xar tax’u ta warin? Yaam a pi um kaa mbaax’ee, too a pi no ndeɓ um a njof.

Mace 11:27

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

1Saŋ 2:12

Nuun xa teɓandoong axe, mexe bindaa a nuun yaam pakaad nuun a mbaasante no gon Yeesu.

1Saŋ 2:1

Xa teɓandoong es, kaam bindaa a nuun keene, ndax nu mbakaadkee. Kaa koy, o kiin a bakaadangaa, i njega o paafarit paam Faap fee, ta ref Yeesu Kiristaa, o cofu xe.

Tiit 2:6

Maƭooxi mboƥ ngoor ne itam da mbañ o ngupal,

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

YEGIL MBAAX NE YEESU ne Saŋ a bindtuuna 16:3

O nanangaa da mbi’an koy, kaa andee a Faap fee, andiraam.

YEGIL MBAAX NE YEESU ne Saŋ a bindtuuna 14:9

Yeesu a doonaan ee: «Filip, yaa refuuma fa nuun boo ndiik, too andiraamo! Oxuu ga’axama, Faap fee a ga’u. Nam waagaxamo o layit boog ee: ‹Lali a in a Faap fee?›

YEGIL MBAAX NE YEESU ne Saŋ a bindtuuna 8:19

A laamtaan ee: «Taa faap of?» Yeesu a doona yee: «Nu andiraam, nu andee a Faap es. E, yaam nu and’angaam, nu andkooga a Faap es.»

Mace 13:38

A yang ale refu adna fee, ax paax ke a ndef xa ƥiy axe no Maat ne, soo puulaand ke a ndef xa ƥiy no paaxeer oxe.

Mace 13:19

O kiin a nanangaa fa lay fee no Maat ne, too andee ke ta tekitna, o paaxeer oxe kaa garaa soo a watin ke duufeena kam xeeñ um. O kiin oxeene nandu fo ax ke yenna kam a ƭat ale.

Xa peƭit axe 20:29

Doole refu qaaƴoor no mbes ke, xa puum a ndef kañoor no nogoy we.

A kim a tedu ke 91:14

O Yaal oxe kaa tee: «Feek kaa saaƭoox na mi, xam muclin. Xam saytooxin, yaam a anda oxe refuuma.

A kim a tedu ke 90:2

Yaaga xa coong axe njegafulee, yaaga sax sakafuliro lanq ke fa adna fee, yaaga boo fa ndiik wo refu Roog, too wo na refkan bo na moos boo moos.

1 Timote 5:1

Ba o xasan a koorgi nqasan ƭomu, ndaa fat o umbaa fiɗel o ngim um boo wee ndax kaa ref nen a faap of sax, xa pes axe o fesooraa fa den nen fog of,

YEGIL MBAAX NE YEESU ne Saŋ a bindtuuna 17:21

ndax den fop da ndef o leng. Faap, ne reftoona na mi, um ref na wo, kaam xeɗaa da ndefit neen na in itam, ndax adna fee a mbaag o ngim ee wo luliidaxam.

Sakari 9:17

Ndaw ne lanq ke a mbaaxitkaa soo a mos! Xan a mbat bele fa biiñ, xa pes axe fo roog we a naang naluƈ.

A kim a tedu ke 148:12

Simateenoo, nuun mboƥ ngoor ne fo mboƥ ndew ne, maak fo xa caaƈ!

Mace 5:37

Fat fa lay nuun a ref ‹ii› mbaat ‹ha’aa›! Kuu nu ƥaatna taaga no ƈiƴ oxe a inooru.»

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.