1Saŋ 2:10 - NQAARIIT NE ROOG

¹⁰ Kaa koy, oxe fexna o pog um, kaa gen kam a qoolaand ale, too jegee no ten a panq a leng alaa waagna o tolofnoor o kiin.

1Saŋ 2:10 Referans Kwoze

1Saŋ 3:14

I anda yee i njangoorta na fa nqon, ngat no ñoow ole, yaam kaa i mbex fog in. Oxuu jegeerna o mbeq, na fa nqon a genu.

O leetar ole Pool a bindna GIMU WE NGENNA ROM 14:13

Ba i ngate’rat a ndeer in! Fat nu mbosoox o mbañ o mbi dara kaa waagna o tax o pog nuun a tolof mbaat ta yen na bakaad.

Hoose 6:3

Fat i mbaaƭ maa i anditna o Yaal oxe, a kar um kaa woorit nen mbeet. Xan a gar na in nen mbuyaam, nen a teƥ ndiig ale na xuƥandaa lanq ke bo dee sap.»

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.

YEGIL MBAAX NE YEESU ne Saŋ a bindtuuna 8:31

Yeesu a laya Yaawuur we ngimatna no ten ee: «Nu ngenangaa na fa lay es, daalbe es tigi nu ndefu.

Mace 18:7

Ndaw sabab took adna fee yaam ke na tolofnooraa wiin we. Tolofnoorel waagee ñak, ndaa ndaw sabab took no xe na ɓisiidan!

Mace 13:21

Kaa koy, jegee a paƴ no ten sax sax, too jegee ndamlooxand itam. Neene, boo andoona yee o njaaxɗataan mbaat ñagadil a ngara yaam fa lay fee Roog, a naagaan o dalfooxaa o fes a cinj.

Filip 1:10

ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.

A kim a tedu ke 119:165

We mbexna a cangin of a maya jam, dara tolofnoorkee a den.

YEGIL MBAAX NE YEESU ne Saŋ a bindtuuna 11:9

Yeesu a doona yee: «Ndax kaa ñaal muum refee baxtu xarɓaxay fo baxtu ƭik? Oxuu na ñaaƴaa njoloor, tolofkee, yaam a qoolaand ale na adna feeke na kid um a fodaa.

YEGIL MBAAX NE YEESU ne Saŋ a bindtuuna 12:35

Yeesu a laya a den ee: «A qoolaand ale miñkatee dara a ndeer nuun. Yaaga koy, ñaaƴyo ye nu maadna o njegaa a qoolaand, ndax o niɓaan ole ɓislooxkee a nuun. Oxe na ñaaƴaa no niɓaan kat, andee me ta jofaa.

1Saŋ 2:11

Kaa koy, oxe fexeerna o pog um, no niɓaan ole a refu. Kaa ñaaƴaa no niɓaan ole itam, too andee me ta jofaa, yaam o niɓaan ole kaa muur a kid um.