1Saŋ 2:1 - NQAARIIT NE ROOG

¹ Xa teɓandoong es, kaam bindaa a nuun keene, ndax nu mbakaadkee. Kaa koy, o kiin a bakaadangaa, i njega o paafarit paam Faap fee, ta ref Yeesu Kiristaa, o cofu xe.

1Saŋ 2:1 Referans Kwoze

1 Timote 2:5

Yaam Roog fa leng soom jegu. A jega itam o ndok-a-ndeer o leng kut onqaa refna a ndeer wiin we fa Roog. Ten refu Kiristaa Yeesu o kiin oxe,

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

1Saŋ 3:18

Xa teɓandoong es, ba i mbex na ñiiñ fo na fa lay soom, ndaa fat i njeg o mbeq na pi fo no ndigil.

1Saŋ 3:7

Xa teɓandoong es, ba o leng a nax a nuun. Oxuu genna no fi’aa cofu, a jofa ne ta jofitna, ten fa xoox um.

YEGIL MBAAX NE YEESU ne Saŋ a bindtuuna 8:11

O tew oxe yee: «Ha’aa fe, o Yaal oxe.» Yeesu a layaan ee: «Mi itam, hate’iroong. Reti! Kaa koy, ba o bakaadat.»]

Hebre 9:24

Yaam Kiristaa rokee no Mbind tedu naa o ɓay no kiin a jalna, a ref nitaale’ir no ndiindigil ne. Na asamaan sax sax a roku, ndax ta geenooxan a in ndiiki mbaambir Roog.

1Saŋ 3:5

Nu anda kene sax: Yeesu a feeña, ndax ta watin pakaad ke. Bakaad fa leng refee no ten.

Efees 2:18

Yaaga boog, na pexey Kiristaa, in fop, o Yaawuur fo o tefee o Yaawuur, i mbaaga o ngeenoox mbaambir Roog Faap fee na pexey Yiif leng kut le.

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

Heseki’el 3:21

Kaa koy, o maƭooxangaa o cofu xe ndax genkee no bakaadaa, a bakaadatangee, kaam ee xan a ñoow, yaam a maƭooxe soo wo itam o mucil o ñis of.»

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

Efees 4:26

Boo nu mbuuxna, fat nu mbootoox, yaam ndik nu yen na bakaad. Baa njeeƈ ne a mudit fuux nuun muk.

Galati 4:19

Xa ƥees, xam dak o yegaa coono nen xa ƭomel gaaj yaam nuun, boo yaa nu nandkaa fa Kiristaa.

YEGIL MBAAX NE YEESU ne Saŋ a bindtuuna 10:15

ne andtuuma a Faap fee, Faap fee a andaam. Kaam cooxtaa o ñis es yaam paal ke mi.

YEGIL MBAAX NE YEESU ne Saŋ a bindtuuna 5:36

Seede es koy hupu ne Saŋ, yaam a pi ake Faap fee a doxnaxama ndax um fi a den, ndefna ndef ke um fi’aa ndiiki, kaa laltaa yee Faap fee lulaxam.

YEGIL MBAAX NE YEESU ne Lik a bindtuuna 10:22

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.»

1 Piyeer 2:22

«Ten koy, mosee o fi bakaad, too o leng mosee o nan xa maaƥ a sutooraa no don um.»

1 Korint 15:34

Nomtiidyo a yiif nuun too mbaas bakaad. A jega waa andeerna a Roog, too gaci yoo na nuun.

YEGIL MBAAX NE YEESU ne Saŋ a bindtuuna 5:14

Taa mbaaambir naa, Yeesu a soƥaan kam Mbind Roog naa soo a layin ee: «Refee wodandee? Ba o bakaadat koy yaam ndik kaa moƴna faaxaƭar a dalong!»

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

A kim a tedu ke 4:4

Fat nu and a paax ee o Yaal oxe kaa fi’anaa oxe damooxna no ten a pi a maak. Kaa nanaxam, yaa um ƴufginooxan.

1Saŋ 5:21

Xa teɓandoong es, mbootooxyo o mbaɗoox ke refeerna Roog.

Saak 3:9

Kaa i niwaa o Yaal oxe Faap in fo ɗelem in, ndaa kaa i layanaa wiin lakas we paaxeer fo ɗelem leng le itam. Yaag oo toox de, Roog saku a den no nand um.

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!

YEGIL MBAAX NE YEESU ne Saŋ a bindtuuna 13:33

Nuun we xa teɓandoong es, miñkatiim dara fa nuun. Xan nu mbaaƭaam, too ne laytanuuma Yaawuur we, mexe layaa a nuun itam ee: Nu mbaagkee o ndet me um jofaa.

1 Timote 3:14

Kaam bindang keene, too yaakaaraa yee ndiiki o ga’aam.

YEGIL MBAAX NE YEESU ne Saŋ a bindtuuna 21:5

Yeesu a laya a den ee: «Xa koor, kaa nu njegee kaa nu ñaamna?» A ndoona yee: «Ha’aa.»

YEGIL MBAAX NE YEESU ne Saŋ a bindtuuna 14:16

Mi koy, xam xeɗ a Faap fee, ta ci a nuun o Yaayaal oxaa na refkaa fa nuun boo faw.

A pi ake 7:52

An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin.

O leetar ole Pool a bindna GIMU WE NGENNA ROM 5:10

Kaa i ndeeƭu fañ Roog, ndaa fa nqon fee no Ƥeem a jofooranda a in fo ten. Njofoor neene taxu a qontax ale no Ƥeem waagkee o ñak o mucil a in.

1Saŋ 5:17

Njofaƭar nuu refna bakaad oo, ndaa a jega bakaad faa naageerna o ɓisaa na fa nqon.

3Saŋ 1:4

Dara moƴiraam o fel o nanel ee xa ƥees no ndigil ne a ñaaƴaa.