1Saŋ 1:9 - NQAARIIT NE ROOG

⁹ I mbeejlangaa pakaad in, Roog a gore’a, too a jofa boo a waasanaa a in pakaad ke in, a xoolandaa a in no njofaƭar nuu refna.

1Saŋ 1:9 Referans Kwoze

A kim a tedu ke 32:5

Feeñlaaxoong pakaad es too ɗasniroong tooñ es. Layaam ee: «Xam waasnoox o Yaal oxe njofaƭar es», too waasanaxamo tooñ es fop, donit ndoq ne no pakaad ke mi. A maaf

Xa peƭit axe 28:13

Oxe na ɗasnaa tooñ um xeniɗkee, oxe na weejlaa pakaad um koy, a fes a den a cinj, xan a waasanel.

Yeremi 33:8

Xam ɓogid a den no tooñ ke den fop da mbakaaditna na mi, waasan a den tooñ ke den fop da mbakaaditna na mi, a siiknoorit a den fa mi.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Hebre 10:23

Yaakaar ne i layaa yee i njegaan, fat i ndamin ta saƭik boog, yaam a woora yee xan Roog a fadin ke ta regitna.

1 Timote 1:15

Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.

Nehemi 1:6

rungi nof of, wet a kid of, ndax o jaɓ a qeƭ no tag of! Mexey mbaambir of, ñaal fo o yeng, xeɗanaa Ii-isra’el we dag of, weejlaa tooñ ke i tooñoonga. Mi yoo ƥasil es oo i mbakaada.

Heseki’el 37:23

Ndoɗgandkatee a qoox den tee kaa mbaɗooxaa nitaal roog cakalaaru, a mbi’aa a pi a cednooxu fo pakaad kuu ndefna. Xam mucil a den no fo mbiñ ne da ngen’ina fop too a mbakaadit’u teen. Xam xooland a den da ndefat xeet es soo um ref Roog den.

1 Korint 1:9

Roog gor oo, ten fee fokatna a in fa Yeesu Kiristaa fee o Ƥeem, o Yaal in.

A cangatin ale 7:9

Fat nu and boog ee o Yaal oxe Roog nuun soom refu Roog. Kaa gore too a gayaa ngiɓoor um fo o paaxel um boo no suk cuni-cuni no we mbexuuna, a ngayaa kebil um.

A pi ake 19:18

Mayu no waa ngim’ina a mbeejliidooga mbaambir no fop paaxeer ke da mbi’’ina.

Mark 1:5

Wiin we no jegel ole Yudee fo we ngenna Yeerusaleem fop a ndetooga maa Saŋ, too a batiise’ooga a den kam o xuluɓ ole Yordaan, cinj yaa da mbeejilna pakaad den.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

A kim a tedu ke 19:12

O Yaal oxe, mi fee o tag of kaam xottaa teen a maƭax, too oxuu na gayaa a den, xan a daaw saɗig maak.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

A ƭomatax ake 3:23

Kaa da ndakooxaa qas nqes nuu refna too ngor um kaa magin.

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

1 Maad we 8:47

kam saax le da ƥiseena took o hup doole, a nomtiidangaa a yiif den, a saktooxiid me wo, a nqeɗooxong ee: ‹I mbakaada, tooñong soo mbi kaa faaxeerna›,

Mbeeñil 15:3

Kaa nqaanoogu a kim ale Moyiis fee o tag Roog, a nqaanaa itam a kim ale no Mbaal onqe Roog. Kaa nqaanoogu yee: «O Yaal oxe Roog fee jegna katil, a pi of kaa magin, too a mos! Wo daali maad no qeet ke! Mee ndax yuuƥ ke wo kaa njof, too ndigil kak a ndefu.

Hebre 11:11

O ngim o mat tax’u Saara a refat yaay, ke ta faaf’ina fa ndim fop oo. Kaa koy, a woor’aan ee xan Roog a fadin a tegit um.

Mace 3:6

Saŋ a batiise’ooga a den kam Yordaan, yaa da mbeejilna pakaad den boo a ƈut.

Esayi 45:21

Nga’iryo a ndeer nuun, yegnitin soo lambnin. An yegnit’u yaaga ke na xewaa ndiiki? Mee ndax mi o Yaal oxe yoo! Jegee roog fa lakas faa jolna mi, roog fa njofu faa na muclaa jegee, a refangee mi.

Efees 5:26

Kaa fi’it neene, ndax ta tedlandin a cinj ye ta xoolandtuuna foofi fo fa lay,

O leetar ole Pool a bindna GIMU WE NGENNA ROM 3:26

Neene a laltitu o cofel um na jamaane fee ndiiki, yaam ten fa xoox um kaa jof, too kaa ɗeetaa oxe jegna o ngim na Yeesu nen o cofu.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

A sutax ale 34:7

Kaam yirmaa wiin cuni-cuni, waasantaa njofaƭar fo tooñ fo pakaad, ndaa faritkiim oxe tooñna, too kaam rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.»

1 Maad we 8:30

Ngela fat o nan-gilooxaa a qeƭ no tag of fo ale Isra’el fee xeet of yaa da mbaambirna fo o mbiñ onqene a nqeɗaa. Nan-gilooxi a in! Kaam ee nan-giloorti a in na asamaan fee genoona too waasan a in!

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

YEGIL MBAAX NE YEESU ne Saŋ a bindtuuna 17:25

Faap fa njofu fee, adna fee andirang, ndaa mi o mat, andaaxoong, too weeke a anda yee wo luliidaxam.

YEGIL MBAAX NE YEESU ne Lik a bindtuuna 22:57

Kaa koy, Piyeer a xaña yee: «Tew oxe, andinum de.»