1Saŋ 1:5 - NQAARIIT NE ROOG

⁵ Ke i njangitna no ten, i yegnaa a nuun. Ten refu yee Roog a qoolaand oo, too o niɓaan o leng refee no ten.

1Saŋ 1:5 Referans Kwoze

YEGIL MBAAX NE YEESU ne Saŋ a bindtuuna 8:12

Yeesu a dakooxa o lay faan laa yee: «Mi refu a qoolaand adna. Oxuu reefaxama, ñaaƴkee no niɓaan, too xan a jeg a qoolaand o ñoow.»

Saak 1:17

Paax mbaat ci’it mbadu nuu refna, took a ngatu, na Faap fee sakna njeeƈ ne fo o nqool onqe fa xa qoor axe. No ten, a suptax a leng naagee o jegaa, too a qoolaand um suptooxkee o niɓaan.

Esayi 60:19

Njeeƈ ne refkatee a qoolaand of no ñaal ne, too a qoor ale refkatiran no yeng ole, yaam mi o Yaal oxe Roog of, xam xoolandang kili soo fudin took of meleƈ es fop.

A kim a tedu ke 27:1

A kim alaa fogna na ke Dawid oo. O Yaal oxe refu a qoolaand es fo o Muumucil es, an helum o fit? O Yaal oxe refu njaɓnooxand o ñoow es, ndi an um saɗarkaa?

YEGIL MBAAX NE YEESU ne Saŋ a bindtuuna 1:9

A qoolaand aleene koy reeƭu a tiindigil ale andoona yee kaa gar a xooland o kiin oo kiin ye ta rokiidna na adna.

YEGIL MBAAX NE YEESU ne Saŋ a bindtuuna 1:4

No ten o ñoow ole a reeƭu, too o ñoow oleene reeƭu a qoolaand no wiin we.

YEGIL MBAAX NE YEESU ne Saŋ a bindtuuna 9:5

Ne refuuma na adna, mi refu a qoolaand adna.»

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

Mbeeñil 21:23

Teeru fee soxla’ee a qoolaand njeeƈ mbaat a qoor. O ndam onqe Roog na xoolandan, soo o Mbaal onqe a ref o jam um.

A kim a tedu ke 36:9

Kaa o giñnoortaa a den ñaamel pagkatar ke no mbind of, yernaa a den no pelel ole no xuluɓ of.

1 Timote 6:16

Roog soom xonkeeru. Kaa gen na qoolaand alaa o leng a waageerna o fad. O leng mosiran o ga, too o leng waagiran o doon a ngid sax. O ten soom jegu o niwel fa katil mbagkeer. Amiini.

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

1Saŋ 3:11

Ke yegnit’eena fo ke nu nanna yaa fo mberaandoong naa, ten refu yee i mbara o mbexir.

1 Korint 11:23

Ke daawtuuma no Yaal oxe, jangnaanum a nuun, ta ref ee: O Yaal oxe Yeesu, no yeng olaa ta ɓoxotkeel kaa jang’u mbuuru,

A kim a tedu ke 139:12

na wo o niɓaan ole refkoogee o niɓaan, too o yeng ole a xoolitkooga nen ñaal ne, o niɓaan ole nen a qoolaand.

Esayi 2:5

Nuun we xa taan Yakoob, ngaryo i ñaaƴ na qoolaand ale no Yaal oxe.

Dañel 2:22

Ten na feeñlaa ke moƴna o ɗas, a and ke laqooxna no niɓaan ole, yaam a qoolaand ale kaa gen fo ten.

YEGIL MBAAX NE YEESU ne Saŋ a bindtuuna 1:19

Keeke refu a ƭelem ake Saŋ a seede’antuuna ye Yaawuur we a mbodna Yeerusaleem, a lul saasadax fo Leelewi ndax da laamtin ee: «Wo o mat, an refo?»