1Saŋ 1:1 - NQAARIIT NE ROOG

¹ In we mbindaa a nuun no kaa farna no kaa reeƭna no mberaand naa, ta ref fa lay fee no ñoow ole. Kaa i nanin, nga’in fo a kid in, ngorooxin, soo nduqin fo xa ƥay in.

1Saŋ 1:1 Referans Kwoze

YEGIL MBAAX NE YEESU ne Saŋ a bindtuuna 20:27

Cinj kaaga, a laya a Tomaa yee: «Ɓeki meeke nqol of, ɗeet xa ƥay es. Dooni o ɓay of no saax es, fañat o gimaƭar, ndaa gimi.»

A pi ake 4:20

Yaam in o mat, i mbaagee o ñak o layit ke i nga’na fo ke i nanna.»

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

YEGIL MBAAX NE YEESU ne Saŋ a bindtuuna 5:26

Yaam ne Faap fee fa xoox um a ñoownitaa, a ci’tu o Ƥeenqe itam ta ñoownaa.

YEGIL MBAAX NE YEESU ne Lik a bindtuuna 24:39

Ƭeetyo xa ƥay es fo a caf es: Mi o mat oo! Nduqaamoo, too nga, yaam o qon-o-paaf jegee njer, jegee xa kiiƈ, ne nu nga’tuuna na mi.»

YEGIL MBAAX NE YEESU ne Saŋ a bindtuuna 8:58

Yeesu a laya a den ee: «No ndigil, mexe layaa a nuun ee: Yaaga Abraham rimafulaand, refum.»

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

YEGIL MBAAX NE YEESU ne Saŋ a bindtuuna 19:35

Oxe doonna keene a ngid a layaan, too ke ta layna ndigil oo. A anda xil itam ee ndigil a layu. Kaa layin, ndax nuun oo nu ngim.

A pi ake 1:3

Cinj ye Yeesu a xonna, a cooxa a den xa anddiloor xa mayu ndax ta feedin a den ee oxe ñoowaa. A feeñooxooga a den boo a pe qarɓeen nahik, a layaa a den kaa jofna no Maat ne Roog.

Mbeeñil 19:13

Ndoki naa suupeena na fo’oy a rokoox’u, soo gon um a ref «fa Lay fee Roog».

Mbeeñil 2:8

«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.

YEGIL MBAAX NE YEESU ne Lik a bindtuuna 1:2

a reefandel no ke we seede’uuna no mberaand naa a ndaawinna a in, den we ndefatna we na yegnitaa fa Lay fee Roog.

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Esayi 41:4

An garu fo keene xewna? Ten refu oxe na xoyaa suk no wiin wuu ndefna no kaa xotitna no mberaand naa. Mi o mat oo, mi o Yaal oxe. Mi refu o eetaand oxe, too mi na refkahinaa fo we na mbalakkaa.»

1Saŋ 5:7

Yaaga koy, a jega daduk waa na seede’anan:

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.