1 Timoteo 5:18 - Saramaccan

¹⁸ Biga ja jei fa di Buku u Gadu taki nö? A taa: Ja musu tai di kau buka fu an musu njan ka a ta wooko naandë. Söseei a taa: A fiti u wan wookoma musu feni hën paima.

1 Timoteo 5:18 Referans Kwoze

1 Kolenti 9:14

Nöö söseei Masa bi taki tu taa dee sëmbë dee ta konda di buka fëën, nöö de musu ta feni soni u libi a goonliba aki a dee sëmbë dee de ta konda di Buka da.

Lukasi 10:7

“Nöö fa de o tei unu a di wosu dë, nöö naandë un musu tan e. Wan musu kumutu ku unu lai go libi a oto wosu. Nöö te de da unu soni u njan, nöö un musu njan mën. Sen an musu kisi unu. Biga wan wookoma musu feni hën paima fu di wooko di a ta du.

Mateosi 10:10

Wan musu lai na wan soni a saku tja. Wan musu tei tu djakiti ee nasö tu susu tja go ku unu e. Nöö na tei tu pau fii mbei kokoti, ma i sa tei wan. Biga di sëmbë di i ta heepi, nöö hën musu sölugu i.

Jakobosi 4:5

Wë unfa un mëni? Un ninga taa u sösö de bi sikifi a di Buku u Gadu taa: Di Akaa u Masa Gadu di a buta a u hati aki, a ta haun o. Biga an kë oto soni musu ko a u hati möönsö. Ma a ta biinga ku u fuu musu dë fëën wanwan vö.

Loomë 10:11

A dë leti kumafa di Buku u Gadu bi taki dë kaa taa: Di sëmbë di ta biibi nëën liba, an o kisi sen a bakaten möönsö.

Loomë 9:17

Dee sëmbë, wan jei fa Gadu fan ku Könu Falao nö? A taa: Mi ko buli i fu mi sa lei fa mi a’ makiti tjika, be në u mi bai a hii goonliba. Wan jei nö, dee sëmbë?

Galasia 3:8

Nöö di Buku u Gadu bi taki tu taa te wan daka nöö dee sëmbë dee an dë Isaëli sëmbë o ko ta biibi, nöö Gadu o si de kuma de an bi booko ën wëti wan daka fu di biibi u de hedi. Nöö di Buka u Masa Jesosi aki sö, hën wë i si di Buku bi taki dë e. Nöö hën wë Gadu bi ta mëni tu di a taki da Abahamu taa: A i hii föluku u di goonliba sa feni heepi.

Loomë 11:2

Nöö Gadu an tuwë dee sëmbë fëën dee a bi tei a fesi e. A ta mëni de eti. Wan jei fa di Buku u Gadu taki u di tjabukama de kai Elia nö? Elia kaagi dee Dju sëmbë fëën da Gadu. A taa:

Loomë 4:3

Ma nöö unfa di Buku u Gadu taki? A taa: Abahamu bi biibi Gadu. Hën mbei Gadu luku ën kuma wan bumbuu sëmbë nëën wojo. I si?