1 Johanisi 5:3 - Saramaccan

³ Biga ee u lobi Masa Gadu tuu, nöö woo hoi dee wëti fëën dee a da u fuu hoi. Nöö dee wëti fëën an hebi da u poi.

1 Johanisi 5:3 Referans Kwoze

Johanisi 14:15

“Nöö un haika e. Ee wan sëmbë i lobi mi, nöö joo du dee soni dee mi ta manda i fii du.

Johanisi 15:10

Nöö un sabi fa fuun sa du fuun fika sö nö? Un musu ta piki mi buka a dee soni mi ta manda unu. Nöö ee un du sö, nöö woon ta si di lobi u mi nöömö, leti kumafa mi ta si di lobi u mi Tata, fu di mi ta piki ën buka a dee soni a ta manda mi. Sö e.

2 Johanisi 1:6

Nöö di lobi u ta taki aki, nöö hën da u musu ta piki di buka u Masa Gadu ta libi kumafa dee wëti fëën ta taki. Nöö u musu lobi dee otowan fuu ta libi bunu ku u seei. Hën da di wëti kaa e.

1 Johanisi 2:3

Nöö ee u ta piki Masa Gadu buka ta libi kumafa a kë, nöö woo sabi tuutuu taa u ku ën dë.

Loomë 7:22

Fa mi dë aki, mi sa wai tumisi fu mi ta du kumafa dee wëti u Gadu taki.

Johanisi 15:14

Nöö mi ku unu o dë mati, ee un ta du dee soni dee mi ta manda unu fuun ta du.

Hebelejën 8:10

Nöö hën a toona taa: Di buka di mi o toona mbei ku Isaëli sëmbë a bakaten o dë sö taa mi o tja dee wëti u mi go buta a de fusutan. Tee a de hati dendu seei de o ta fii de. Nöö mi o ko dë Gadu u de awaa, nöö de o ko mi sëmbë.

Loomë 7:12

Ma nöö fa mi taki ën dë seei, an dë taa dee wëti an bunu e. De bunu, biga de dë u Gadu. De dë wan leti soni gbelingbelin.

Mateosi 23:4

Nöö de ta lai wëti tee a hia da unu fuun musu ta tjai, ma de seei an ta tja wan pikiwan fëën seei.