Ziiŋi 5:2 - Senoufo Supyire

² U à u yaa nɔ̀ ná ceewe, maa jwó le pi á, maa pi mɛge le sùpya.

Ziiŋi 5:2 Referans Kwoze

Marika 10:6

Ŋka mà lwɔ́ diɲyɛ tasiige e, Kile à “sùpyaŋi yaa nɔ̀ ná ceewe.”

Macwo 19:4

Ka Yesu si pi pyi: «Ɲje y'à sémɛ Kile Jwumpe Semɛŋi i ke, yii ɲyɛ a yire kâla mà? Diɲyɛŋi tasiige e, diɲyɛŋi Davooŋi à “sùpyaŋi yaa nɔ̀ ná ceewe.”

Ziiŋi 2:23

Tèni i nàŋ'à ceeŋi ɲya ke, ka u funntangawuŋi si jwo «Anhaan, numɛ sa, mii shiŋi u ŋge. U kaciiy'à fworo mii kaciiyi i. U cyeer'à fworo mii cyeere e. U mɛge sí n-le ceewe, Ɲaha na yɛ u à fworo nɔ̀ŋi i.»

Ziiŋi 1:27

Ka Kile si sùpyaŋi yaa uye málwɔrɔ. U à u yaa u yabiliŋi fiige. Maa u yaa nɔ̀ ná ceewe.

Kapyiiŋkii 17:26

U à supyishiŋi puni pyi u à fworo shin niŋkin i, maa pi pyi pi à tɛ̀ɛn ɲìŋke cyeyi puni i, maa tèrigii láha láha cyiye na, maa pi tatɛɛnyi tɛgigii láha láha cyiye na mà kan pi á.

Ziiŋi 2:15

Ɲyɛ ka Kafooŋi Kile si sùpyaŋi yaha Edɛni cikɔɔge e, ur'à ku fàa, u s'a ku kàanmucaa.

Ziiŋi 1:28

Ka Kile si jwó le pi na, maa jwo: «Yii si, yii ɲìŋke ɲî, yii i ntɛ̀ɛn ku ɲùŋɔ na. Yii i mpyi fyaabii ná saɲcyɛɛnre ná ɲyii yaaga maha ɲyii yaaga ku ɲyɛ ɲìŋke na ke, yire ɲùŋɔ na.»

Ziiŋi 5:3

Adama à yyee ŋkuu ná beɲjaaga ná kɛ ta, maa pùnambile si uye málwɔrɔ. Maa u mɛge le Sɛti.