Ziiŋi 1:16 - Senoufo Supyire

¹⁶ Ka Kile si bɛ̀ɛnmɛ yaaya nimbwoyo shuunni yaa. Maa yi puni nimbwɔhe yaha canŋke ɲùŋɔ na, maa nimbileni yaha numpilage ɲùŋɔ na. Maa wɔrigii mú yaa.

Ziiŋi 1:16 Referans Kwoze

1 KƆRƐNTI SHIINBII 15:41

Canŋaɲyiini sìnampe na ɲyɛ pu yɛ, yiŋke sìnampe na ɲyɛ pu yɛ, wɔrigii sìnampe mú sí na ɲyɛ pu yɛ, ali wɔrigii sìnamp'à wwû puye e.

Macwo 27:45

Ɲyɛ canŋke mpyi a nɔ ɲùŋɔ niŋi i, ka numpini si mpâl'a jyè kìni cyeyi puni i, mà tère pyi fo mà sà byanhara yàkoŋke na.

Kacyeeŋkii 21:23

Bɛ̀ɛnmpe kàmpanŋke na, kànhe kuro ɲyɛ a mpyi canŋaɲyiini, lire ɲyɛ mɛ yiŋke e mɛ. Kile sìnampe mpyi ku bɛ̀ɛnmpe, Mpabilini sí ɲyɛ ku fùkinaŋi.

Macwo 24:29

Cyire canmpyaagii yyefuge ká ntòro, “Canŋa ɲyiini sí n‑tíi n‑pyi numpire, yiŋke sàha mú sì raa bɛ̀ɛnmɛ yige mɛ. Wɔrigii sí raa n‑cwu, yire kakyanhala yaayi yi ɲyɛ nìɲyiŋi na ke, yire sí n‑cúnŋɔ n‑cúnŋɔ n‑yîri yi tatɛɛnyi i.”

Ziiŋi 1:15

Yire yaayi yi pyi nìɲyiŋi na, yi raa bɛ̀ɛnmpe tîrige ɲìŋke na. Ka lire si mpyi li jwuŋkanni na.