Ɔrɔmu Shiinbii 3:10 - Senoufo Supyire

¹⁰ bà y'à sémɛ Kile Jwumpe Semɛŋi i na: «Sùpyaŋi wà tufiige ɲyɛ a tíi mɛ, ali shin niŋkin!

Ɔrɔmu Shiinbii 3:10 Referans Kwoze

Ɔrɔmu Shiinbii 3:23

Sùpyire pun'à kapegigii pyi, lire l'à pi nàzhan yige Kile sìnampe e.

Macwo 15:19

Yii li cè na sùpyaŋi zòŋi i sɔ̀nŋɔpeere maha fwore, mu à jwo: supyibuuni ná jacwɔɔre ná silege baa karigii ná nàŋkaage ná kafinare ná jwoore.

Titi 3:3

Tèni l'e, wuu mpyi funŋɔ baa shiin, maa ɲùŋɔ kyán Kile na. Wuu mpyi numpini i, marii wuu ɲyii karigii shiŋi puni pyi. Wuu mpyi shinpii, maa mpyi ná yiɲcyɛge e. Wuu kapyiiŋkii mpyi a pɛn sùpyire sannt'á, wuu ná wuye shwɔhɔl'e maa wuye pɛn mú.

Marika 10:18

Ka Yesu si u pyi: «Mu à jwo na mii à ɲwɔ wa? Kile kanni baare e, sùpya ɲyɛ a ɲwɔ mɛ.

1 Pyɛri 1:16

Yire y'à sémɛ Kile Jwumpe Semɛŋi i na: «Yii pyi fyìnmɛ sùpyii, ɲaha na yɛ mii à fíniŋɛ.»

Ɔrɔmu Shiinbii 3:4

Sèeŋi na, lire sì n‑pyi mɛ. Wuu à yaa wuu li cè na Kile na sèeŋi yu, sùpyire puni sí ɲyɛ kafinivinimii bà y'à sémɛ Kile Jwumpe Semɛŋi i mɛ, na: «Kile, sùpyir'à yaa ti li cè na mu jwump'à tíi. Pi aha mu cɛ̂ɛgɛ, mu à yaa mu u ta tàngafoo.»

Kacyeeŋkii 22:15

Ŋka kaɲwɔhɔyi pyifeebii ná sìnŋkanfeebii ná jacwoobii ná shinbuubii ná kacyinzunmpii ná kafinar'à táan mpiimu á pi mú si i fini ke, pire sí n-kwôro kànhe kàntugo.

Kacyeeŋkii 21:8

Ŋka fyagarafeebii ná mpii pi ɲyɛ pi ɲyɛ a dá mii na mɛ, ná kapimpyiibii ná shinbuubii ná jacwoobii ná sìnŋkanfeebii ná kacyinzunmpii ná kafinivinibii puni, pire nàzhanŋi u ɲyɛ ŋkìrigiŋi wyicuguŋke nage. Uru u ɲyɛ kwùŋi shɔnwuŋi.»

Ɔrɔmu Shiinbii 11:8

Yire y'à jwo Kile Jwumpe Semɛŋi i na: «Kile à pi yákilibii tò, maa pi ɲyiigii pyi cyi ɲyɛ na ɲaa mɛ, maa pi niŋgyigigii pyi cyi ɲyɛ na núru mɛ, fo mà pa nɔ niɲjaa na.»

Ɔrɔmu Shiinbii 3:11

Wà ɲyɛ a sìi yákilifoo mɛ, wà ɲyɛ na Kile caa mɛ!