Ɔrɔmu Shiinbii 14:11 - Senoufo Supyire

¹¹ Kafooŋi Kile à jwo u Jwumpe Semɛŋi i na: «Mii ɲyii wuŋi u ɲyɛ, sùpyire puni sí raa niŋkure sínni mii yyahe taan, pi puni sí raa mii pêre.»

Ɔrɔmu Shiinbii 14:11 Referans Kwoze

Ɔrɔmu Shiinbii 10:9

Mu aha ɲɛn'a yyére li na ma ɲwɔge e na Yesu u ɲyɛ Kafooŋi, maa dá li na ná ma zòmbilini puni i na Kile à u ɲɛ̀ a yige kwùŋi i, mu sí nùmpanŋa ta.

1 Yuhana 4:15

Shinŋi u à tɛ̀ɛn li taan na Yesu u ɲyɛ Kile Jyaŋi ke, Kile à wwɔ̀ ná urufol'e, urufoo mú à wwɔ̀ ná Kile e.

Ɔrɔmu Shiinbii 15:9

U kapani ɲùŋke ku ɲyɛ mú, bà supyishiŋi sanŋi si mpyi s'a Kile pêre u kacɛnŋkii kurugo bà y'à sémɛ Kile Jwumpe Semɛŋi i na: «Lire kurugo mii sí mu pêe supyishiŋi sanŋi shwɔhɔl'e, mii sí mɛɛ cêe si mu kêe.»

Macwo 10:32

Shin maha shin ká yyére li na sùpyire ɲyii na na uru na ɲyɛ mii wu ke, mii Tuŋi u ɲyɛ nìɲyiŋi na ke, mii mú sí n‑yyére li na uru ɲyii na na urufoo na ɲyɛ mii wu.

Kacyeeŋkii 5:14

Ɲyii yaayi sicyɛɛreŋi mpyi na ŋko: «Amiina». Ka kacwɔnribii si piye tîrig'a cyán, maa saanre yatɛɛnŋke tɛɛnfooŋi ná Mpabilini pêe.

2 Yuhana 1:7

Mpii pi ɲyɛ na sùpyire ɲwɔ fáanŋi na leni kumpiini i ke, pir'à ɲyaha diɲyɛŋi yyaha kurugo numɛ. Pi ɲyɛ na ɲɛɛg'a tɛ̀ɛn li taan na Yesu Kirisita à pa diɲyɛŋi i ná supyicyeere e mɛ. Shin maha shin u ɲyɛ amuni ke, urufoo na ɲyɛ kafiniviniwe, maa mpyi Kirisita zàmpɛn.