2 Kɔrɛnti Shiinbii 6:17 - Senoufo Supyire

¹⁷ Lire kurugo Kafooŋi Kile à jwo: “Yii fworo pi shwɔhɔl'e, yii wâl'a láha pi na, yii àha mbwɔ̀n yaɲwɔhɔge kà tufiige na mɛ. Lire ká mpyi, mii sí ɲɛɛ yii na,

2 Kɔrɛnti Shiinbii 6:17 Referans Kwoze

Kacyeeŋkii 18:4

Ɲyɛ ka mii i mɛjwuuni labɛrɛ lógo nìɲyiŋi i na: «Mii shiinbii, yii fworo Babilɔnni kànhe e, lire e kapegigii k'à pyi ke, yii nàzhan sì n‑pyi cyire e mɛ. Amuni li mú ɲyɛ, yyefuyi yi sí nɔ ku na ke, yii nàzhan sì n‑pyi yire e mɛ.

2 Kɔrɛnti Shiinbii 7:1

Mii ntàannamacinmpyiibii, ná Kile s'à cyire ɲwɔmyahigii lwɔ́ wuu á, lire kurugo wuu wuu cyeere ná wuu zòmpyaagii fíniŋ'a yige kaɲwɔhɔyi puni i, wuu wuye waha wuu raa sì yyaha na fyìnmpe karigil'e, wuu raa ɲaare Kile yyahafyagare e.

Kapyiiŋkii 2:40

Pyɛri à jwumɔ niɲyahama jwo pi á sahaŋki Yesu kyaa na, maa pi yɛrɛ na pi núru ŋge diɲyɛŋi sùpyire nintiimbaare ɲwɔh'i, bà Kile si mpyi si pi shwɔ mɛ.

Ɔrɔmu Shiinbii 15:7

Bà Kirisita à yii cùmu lemɛ ɲwɔ mɛ, yii a yiye cùmu lemɛ ɲwɔge amuni, lire sí pèenɛ taha Kile mɛge na.