Matiyə 10:42 - Maktubu dɨnə Mãr̰ĩduwa gɨ bii gɨ chibne

⁴² Dwayna, nə wayang i gwale sɨw: Aba gɨrsə gwale ni gɨ nyamna mani bədə nare dɨrəgɨ lə, me gun gɨ we we gɨ ꞌyànaw nimi nə chàa nə hɨlale, inam i maniyə ɓani mɨra kaw, dara an̰ji ba i aba gɨrsə gwale ni da, gun gɨ ta di ha ꞌywaa gwayni duwa le bá.»

Matiyə 10:42 Referans Kwoze

Matiyə 25:40

Ɨr̰ɨ dole di ha cwagɨ lə diiyə wayagɨ ba da: “Dwayna, nə wayang i gwale sɨw: Mani nə anə àlgɨ̀ bá bá ta di, anə àlnaw i chendɨn gɨ nem mani bədə nare dɨrəgɨ lə kaw, anə àlan i ɨndi.”

Matiyə 18:10

Àsɨna angal dan ladɨ le! Kalna àla gɨ gun mɨn gɨ nem mani bədə nare dɨrəgɨ lə gɨ ta di ichɨn̰ ɗi. Nə wayang i gwale sɨw: Paja nə daa woni gamagɨ ɗɨbɨ lə Aban gaba dama daa dɨrəwə bɨr̰ɨn̰ dɨban bwaa gɨ gwayni.»

Maana dɨnə Jesu duwa dɨ Luk jangɨdɨ 6:35

Ɨr̰ɨ ꞌyeni da, ùrnə woni mar̰ande danne me àlna gandagɨ ladni me ca. Anə ꞌwánaw gun mani da, ɨrmɨnə dara ba cwanang daa bá bədə. Anə àlna yande mwom da, Mãr̰ĩ ha ꞌywagang gwayni dan nan̰a le, me anə ha ꞌya i Mãr̰ĩ gaba dama mani dɨdəgɨ lə pad dɨndaw, dara an̰ji kaw i aba àla ladni gɨ nare nə gun ꞌyàgɨ́ mani kaw nem àláw dóche bədə me, nə dusɨrəgɨ ur̰in̰ me ca.

Maana dɨnə Jesu duwa dɨ Luk jangɨdɨ 17:2

Gun gɨ nem mani bədə nare dɨrəgɨ lə kaw, gun gɨ lamnaw àsɨnaw àla gɨ àcn̰a lə da, aba lamaw di, gɨ manaw kur̰a dɨ jore dɨ noy nan̰ kunəwə me gɨ unəw álnaw mana gɨ nimi nə kuray gɨ gecheyə kaw, womme bədə sɨn̰.

Matiyə 18:14

Yande da, Abɨrang gaba dama daa di kaw, ùr dara gun mɨn gɨ nem mani bədə nare dɨrəgɨ lə ta di, ba nwalna bam bədə.»