Matiyə 10:1 - Maktubu dɨnə Mãr̰ĩduwa gɨ bii gɨ chibne

¹ Targɨn̰ ɗang da, Jesu ꞌwogɨ woni gɨrsə gwale duwa nə mwaj dii sɨr di sɨwə. An̰ji ꞌyàgɨ́ dwana dɨ idɨ ꞌywara gɨ dúndi dɨ àcn̰e bam nare sɨdəgɨ lə me, swaa gɨ nare daa mwom day gɨ dɨrəw jiga jiga lə me wamani day gɨ dɨrəw jiga jiga gɨ cogɨ nare tuləgɨ lə me ca.

Matiyə 10:1 Referans Kwoze

Maana dɨnə Jesu duwa dɨ Luk jangɨdɨ 10:19

Dwayna: Nə ꞌyàng dwana dɨ idɨ ɗɨrbə kwalàle me dorni me dodə gɨ gɨdɨrang, me dɨ idɨ ɗwaya idɨ mar̰ande dɨ Sidan dwana dɨra bam me, mani nə àcn̰e mɨn kaw, ha àlang bədə me ca.

Maana dɨnə Jesu duwa dɨ Luk jangɨdɨ 24:49

Ɨndi da, nə ha giyəng dwana dɨ Aban gɨ Mãr̰ĩ biyəng bii dɨra di hára lə sɨdəngə. Me ꞌyeni da, damna lə ciri dɨ ka lə di jang bɨraa dwana dɨ daa di hane sɨdəngə bá do.»

Maana dɨnə Jesu duwa dɨ Luk jangɨdɨ 6:13

Gɨ jomni da, an̰ji ꞌwaga woni gɨrsə gwale duwa sɨwə ib, me gɨra an̰jir nə yab dwar̰agɨ lə mwaj dii sɨr me ꞌwogɨgɨ́ sumdəgɨ ɗang ba i paja duwa.

Maana dɨnə Jesu duwa dɨ Luk jangɨdɨ 21:15

I ɨndi me nə ha ꞌyàng gwale di bɨdəngə, me woni mar̰ande dan ha nyama gaga gandang gwale bədə. Nə ha ꞌyàng dɨrɨn̰ naa me, gwale day ha nyama ɗwaya gɨ dan bədə me ca.

Matiyə 26:47

Mana gɨ Jesu wor ilə waya gwaleyə bɨwə sɨn̰ da, Judas gɨ i woni gɨrsə gwale gɨnə Jesu duwa nə mwaj dii sɨr di gun day gɨ mɨn di, hára yala gɨ nare nə gɨr̰e nan̰ tarɨwə. Cendi i gɨ sugɨnəne nə sore me cilangde me ɨsɨragɨ lə. I woni bwasa Mãr̰ĩ gechide day me gechide nə ɗang nənə nare nə Juwib day me giyəgɨ cendi.

Matiyə 26:20

Gɨ turgɨ dawa ɗwanda dɨra lə da, Jesu dam ilə wama bɨwə day gɨ nə woni gɨrsə gwale duwa nə mwaj dii sɨr di mɨn.

Matiyə 19:28

Jesu waygɨ ba da: «Dwayna, ꞌyeni nə anə pama tarɨn di, nə wayang i gwale sɨw: Wála gɨ Mãr̰ĩ dara cwaa daa me sɨn̰a me dɨrway da, ɨndi gɨ Gun gorndɨw di nə ha dama mana gɨ gage ni gɨ dwãr̰ĩ gaba sumiyə di. Mwom da, ꞌyeni di kaw, anə ha dama gagege nə dwãr̰ĩ nə mwaj dii sɨrrə àlagɨ́ nare nə Israyel gangle day gɨ mwaj dii sɨr di sariya.

Matiyə 6:13

Kal mani mɨn lamnanin bwananin àla gɨ àcn̰a lə bədə me kɨdɨnin daa Sidan ɨsədɨ lə. Dara dwãr̰ĩ me dwana me sumi gɨ ꞌwaga me i dɨma gɨ dɨrɨn̰ bɨr̰ɨn̰. Amen.

Matiyə 4:23

Jesu ha mana gɨ wama gɨ Galileyə pad, me an̰ji gɨlgɨ nare mani mana gɨ kululi day woni amsa Mãr̰ĩyə. An̰ji waygɨ Nõ dɨ lade dɨ Mãr̰ĩ lam gɨ dwãr̰ĩ, me an̰ji so nare daa mana gɨ mwom day gɨ dɨrəw jiga jiga lə pad me wamani day gɨ dɨrəw jiga jiga gɨ cogɨ nare tuləgɨ lə daa pad me ca.

Matiyə 9:35

Jesu kɨdər ciri dɨ gechideyə me dɨ dineyə me pad. An̰ji gɨlgɨ nare mani mana gɨ kululi day woni amsa Mãr̰ĩyə me, waygɨ Nõ dɨ lade dɨ Mãr̰ĩ lam gɨ dwãr̰ĩ duwa me, an̰ji so nare daa mana gɨ mwom day gɨ dɨrəw jiga jiga lə pad me wamani day gɨ dɨrəw jiga jiga gɨ cogɨ nare tuləgɨ di daa pad me ca.

Matiyə 9:38

Yande da, amsɨna Mãr̰ĩ gɨ i aba swagə di dara kal a kɨjɨne nare woni n̰ilə swagə duwa nə ɗang lə bi.»