Maana dɨnə Jesu duwa dɨ Luk jangɨdɨ 8:37 - Maktubu dɨnə Mãr̰ĩduwa gɨ bii gɨ chibne

³⁷ Mana gɨ ta lə di, nare nə sɨn̰a dɨ Gerasa lə pad amsɨ Jesu ba hana kalnagɨ sɨn̰a day ɗi, dara cendi lán̰a àlgɨ̀ nan̰e. Ɨr̰ɨ Jesu so ba a ha ajila daa bɨrwa lə dara ba a ha le.

Maana dɨnə Jesu duwa dɨ Luk jangɨdɨ 8:37 Referans Kwoze

Maana dɨnə Jesu duwa dɨ Luk jangɨdɨ 10:16

Jesu cor waygɨ woni gɨrsə gwale duwa ɗang ba da: «Gun gɨ dwayna gwale dan da, doy i gwale ni ɨndi. Me gun gɨ gɨn̰ɨnə gwale dan bam da, gɨn̰ i gwale ni ɨndi bam me, gun gɨ gɨn̰ɨnə gwale ni bam da, gɨn̰ i aba giyən di gwale duwa bam me ca.»

Maana dɨnə Jesu duwa dɨ Luk jangɨdɨ 9:56

Ɨr̰ɨ cendi cɨmgɨ hargɨ ciri dɨ ɗangə.

Maana dɨnə Jesu duwa dɨ Luk jangɨdɨ 9:5

Mana gɨ ciri dɨ anə dɨmnə lə me nare dɨra yɨnəng sɨdəgɨ lə bədə da, ɓɨr̰ɨn̰ɨnə hana pii me, ɓwabɨnagɨ usɨsɨ gɨ gɨdɨrangə kalnagɨ dodə. Ta di ha gɨləgɨ dara Mãr̰ĩ dusɨw ba nawe dɨdəgɨ lə.»

Maana dɨnə Jesu duwa dɨ Luk jangɨdɨ 8:28

Abe gɨ ta di, dúndi dɨ àcn̰e di gɨlɨw dɨrəw i ɓɨgden̰ nan̰e, gɨ bow sul ɨsawə me kaya kaya gɨdawə me kaw, an̰ji agdɨgɨ bam me, dúndi dɨ àcn̰e di uw ha nɨm bam dɨn dwar̰ɨ lə. Mana gɨ an̰ji yara Jesu hára lə mwom da, hára əbər dodə dɨrəwə soy gura me way gwale mar̰ɨjaw daa nan̰ ba da: «Ɨjɨm, Jesu gɨnə Mãr̰ĩ gaba dama mani pad dɨdəgɨ lə gorndɨw, mə ùr i na sɨnnə mo? Nə amsɨm ɗe: Kal gɨlən dɨrən ɗi!» Abe gɨ ta di way yande dara Jesu waydɨ dúndi dɨ àcn̰e di ba dɨmnə bam sɨwə.

Maana dɨnə Jesu duwa dɨ Luk jangɨdɨ 5:8

Mana gɨ Simõ Piyer yər mani nə ta di mwom da, an̰ji hára gɨra piy gubɨrəw dodə Jesu dɨrəwə me wayɨw da: «Aba ciri ni, chidɨ bam sɨnnə hin̰e, dara ɨndi da, nə i gun gɨ àcn̰e.»

Markɨ 5:17

ɨr̰ɨ cendi mɨrgɨw Jesu an̰ju ba hana kalnagɨ sɨn̰a day ɗi.

Matiyə 8:34

Mana gɨ ta lə di da, nare pad nə ciri dɨ gecheyə di gandɨgɨ ha ꞌywaa Jesu, me mana gɨ cendi yərɨw mwom da, mɨrgɨw an̰ju ba hana kalnagɨ sɨn̰a day ɗi.

Maana dɨnə Jesu duwa dɨ Luk jangɨdɨ 8:36

Nare woni yara mani nə àlal di gɨ dɨrəgɨ da, kɨbɨgɨ kwandagɨ ba i man me aba widɨbə di dɨrəw ba biyər dodə ɗɨm mo.

Maana dɨnə Jesu duwa dɨ Luk jangɨdɨ 8:38

Mana gɨ Jesu ilə hára lə mwom da, abe gɨ dúndi dɨ àcn̰e dɨm bam sɨwə di amsɨw ba kalnaw ba a ha gandɨw me, Jesu wayɨw da: «Bədə,